Skip to content
The Geopost

The Geopost

  • LAJME
  • FACT CHECKING
  • ANALIZA
  • INTERVISTA
  • BALKAN DISINFO
  • RRETH NESH
  • Botë
  • Lajme

Dy persona humbën jetën në sulmin në urën në Krime, për të cilën Rusia akuzon Ukrainën

The Geopost July 17, 2023 3 min read
Share the news

Dy persona u vranë dhe një fëmijë u plagos rëndë në një sulm në një urë në Krime, lidhja kryesore hekurudhore dhe rrugore e Rusisë me gadishullin që ajo aneksoi me forcë në 2014.

Rusia fajësoi Ukrainën për sulmin të hënën më 17 korrik, ndërsa Kievi sugjeroi se incidenti mund të kishte qenë një provokim në ditën e marrëveshjes që lejonte eksportet e grurit përtej Detit të Zi.

Disa orë pas sulmit, të hënën më 17 korrik, Rusia njoftoi se do të tërhiqej nga marrëveshja deri në një njoftim të radhës  .

Trafiku në urën që lidh Rusinë me Krimenë u pezullua pas sulmit për shkak të një “situate emergjente”, tha guvernatori rajonal rus Sergei Aksyonov.

Zëdhënësja  e Komandës Ushtarake Jugore të Ukrainës, Natalia Khumeniuk, vlerësoi se “ky mund të jetë një provokim rus”.

Pas sulmit në urën në Krime, Mikhail Podolyak, ndihmës i presidentit ukrainas Volodymyr Zelensky, postoi në rrjetet sociale se “instrumentet ruse të vrasjeve masive janë jetëshkurtër”.

“Të gjitha strukturat ilegale të përdorura për të dorëzuar instrumentet ruse të vrasjeve masive janë domosdoshmërisht jetëshkurtra – pavarësisht nga arsyet e shkatërrimit të tyre”, shkroi ai në Twitter.

BBC dhe AFP raportuan se marina e Kievit dhe shërbimi i sigurisë SBU kryen një “operacion special” duke përdorur drone detare, duke cituar burime të paidentifikuara të sigurisë ukrainase.

SBU dhe marina refuzuan të thonë nëse ishin të përfshirë, megjithëse disa zyrtarë ukrainas e kanë paraqitur urën si një objektiv legjitim ushtarak.

Zëdhënësja e Ministrisë së Jashtme ruse Maria Zakharova akuzoi të hënën Ukrainën për kryerjen e një sulmi në një urë që lidh Rusinë dhe Krimenë, në të cilin u vranë dy persona, me pjesëmarrjen e Britanisë së Madhe dhe SHBA-së.

Zaharova nuk ka ofruar asnjë provë për të mbështetur këto pretendime.

“Sulmi i sotëm në urën e Krimesë u krye nga regjimi në Kiev”, tha Zakharova më 17 korrik, raporton Reuters.

Ajo shtoi se vendimet “mirren nga zyrtarët ukrainas dhe ushtria, me pjesëmarrjen e drejtpërdrejtë të agjencive të inteligjencës amerikane dhe britanike dhe politikanëve”.

Më herët, kryetari i parlamentit të Krimesë, Volodymyr Konstatinov, i cili u emërua në post nga Moska, e përshkroi “gjendjen e jashtëzakonshme” në urën e Krimesë si një “sulm terrorist nga regjimi i Kievit”, sipas agjenci lajmesh RIA të drejtuar nga regjimi rus.

Ai vlerësoi se Ukraina kishte kryer një “krim të ri” duke synuar atë që ai e quajti “objekt civil”.

Zyrtarët rusë kishin njoftuar më herët se dy persona kishin vdekur pas asaj që ata e quajtën një “situatë emergjente” në një urë që lidh gadishullin e okupuar të Krimesë me Rusinë.

Sipas njoftimeve të pakonfirmuara, shpërthimet u dëgjuan herët në mëngjesin e së hënës.

Ura Kersk u hap në vitin 2018 dhe lejon udhëtimin rrugor dhe hekurudhor midis Rusisë dhe Krimesë, një territor ukrainas i pushtuar nga forcat e Moskës që nga viti 2014.

Ajo u mbyll pjesërisht tetorin e kaluar pas një shpërthimi të fuqishëm.

Ura, e cila është një rrugë e rëndësishme, u rihap plotësisht në shkurt.

Kreu i administratës ruse në Krime, Sergei Aksyonov, shkroi në Telegram se “trafiku në Urën e Krimesë është ndalur. Një situatë emergjente ka ndodhur në zonën e mbështetjes 145 në [anën ruse të urës]”.

“Po merren masa për të rivendosur situatën. U kërkoj banorëve dhe mysafirëve të gadishullit që të përmbahen nga udhëtimi në urën e Krimesë dhe, për arsye sigurie, të zgjedhin një rrugë alternative tokësore nëpër rajonet e reja.”

Kjo është ajo që Rusia i quan territoret ukrainase që pushtoi vitin e kaluar – Kherson, Zaporizhzhya, Lugansk dhe Donetsk – dhe pretendon se i ka aneksuar.

Ministria ruse e Transportit njoftoi se shpërthimi nuk ka dëmtuar mbështetësit e urës dhe se është prekur vetëm sipërfaqja e rrugës./RSE/

Continue Reading

Previous: Udhëheqësi i shumicës në Senatin amerikan bën thirrje për sanksione ndaj Kinës për Fentanyl
Next: Serbia koordinohet me Rusinë e Kinën për një seancë kundër Kosovës në Këshill të Sigurimit

Çfarë pritet nga samiti mes Trumpit, Xisë dhe Putinit? 6 min read
  • Botë
  • Siguri

Çfarë pritet nga samiti mes Trumpit, Xisë dhe Putinit?

The Geopost November 17, 2026
Ministrat e BE-së kërkojnë reagim të përbashkët ndaj sulmeve ruse që po shtrihen përtej Ukrainës 4 min read
  • Botë

Ministrat e BE-së kërkojnë reagim të përbashkët ndaj sulmeve ruse që po shtrihen përtej Ukrainës

The Geopost November 17, 2026
Ministri serb në Moskë: Nuk heqim dorë nga Kosova, partneriteti me Rusinë dhe Kinën mbetet strategjik 1 min read
  • Ballkan
  • Lajme

Ministri serb në Moskë: Nuk heqim dorë nga Kosova, partneriteti me Rusinë dhe Kinën mbetet strategjik

The Geopost November 17, 2026
REM gjobit televizionet Informer dhe B92: Ndalohen emisionet dhe reklamat, arrestohen gjashtë persona për kërcënime ndaj gazetares 2 min read
  • Lajme

REM gjobit televizionet Informer dhe B92: Ndalohen emisionet dhe reklamat, arrestohen gjashtë persona për kërcënime ndaj gazetares

The Geopost November 17, 2026
Rusia përdori dezinformimin për të ndikuar në negociatat e paqes me Ukrainën, synonte përjashtimin e Evropës nga bisedimet 6 min read
  • Botë

Rusia përdori dezinformimin për të ndikuar në negociatat e paqes me Ukrainën, synonte përjashtimin e Evropës nga bisedimet

The Geopost November 16, 2026
Propaganda ruse përmes muzikës së gjeneruar nga AI: Mbi 86 milionë dëgjime në platformat perëndimore 2 min read
  • Botë
  • News

Propaganda ruse përmes muzikës së gjeneruar nga AI: Mbi 86 milionë dëgjime në platformat perëndimore

The Geopost November 16, 2026

Përkthimi i përmbajtjeve në gjuhët tjera bëhet në mënyrë automatike dhe mund të ketë gabime!

  • [email protected]
  • +383-49-982-362
  • Str. Ardian Krasniqi, NN
  • 10000 Prishtina, KOSOVO
X-twitter Facebook

Corrections and denials

Copyright © The Geopost | Kreeti by AF themes.