Zbulohet identiteti i mercenarëve serbë ‘Dunubi’ dhe ‘Sava’ që marrin pjesë në grupin paramilitar rus ‘Sudoplatov’

“Ky është raundi i dytë. Dyzet e dy luftëtarë tanë nga ish-Jugosllavia dhe Evropa. Kanë kaluar tre muaj që janë këtu. Dokumentet i janë dorëzuar Vladimir Putinit për nënshkrim. Para kësaj, dokumentet kalojnë shërbimet e caktuara. Të gjithë të huajt që marrin pasaporta për të marrë pjesë në forcat e armatosura ruse kalojnë përmes nesh. Unë i mbledh të gjitha dokumentet, i çoj në shërbimin kompetent, ata kontrollojnë dhe i dërgohen presidentit (Putin) për nënshkrim”, ka thënë Dejan Beriq në një video-mesazh të publikuar më 28 shkurt të këtij viti.

Beriq është një shtetas i Serbisë, i cili prej vitesh jeton në Rusi. Ai ka luftuar në Ukrainë në krah të separatistëve rusë që nga viti 2014. Ai tani paraqitet si koordinator për vullnetarët që vijnë nga ish-Jugosllavia. Në mes të dhjetorit, ai publikoi imazhe të disa shtetasve serbë që po kryenin stërvitje ushtarake në kampet ruse.

“Koha e stërvitjes ka mbaruar. Është koha për të provuar veten në luftë. I urojmë gjueti të suksesshme”, u publikua të dielën në mëngjes në kanalin Telegram “Batalioni Sudoplatov”.

Postimet u shoqëruan me fotografi nga një automjet ushtarak ku shiheshin pesë persona. Së paku dy prej tyre janë të nacionalitetit serb, ndërsa disa persona kanë komentuar në fotot se është i pranishëm edhe një maqedonas.

Pak kohë më vonë u publikua edhe një video ku shiheshin të njëjtët ushtarë në një automjet tjetër ushtarak. Folësi në video është Andrey Rodionov, një shtetas rus i njohur si Viking. Vikingu drejton një lëvizje të bashkimit dhe ringjalljes ruso-sllave, e cila, sipas faqes së saj të internetit, kundërshton “globalizmin perëndimor, materializmin dhe multikulturalizmin”. Ndër qëllimet e tij të deklaruara janë bashkimi dhe ringjallja e popullit rus shtetformues autokton, ringjallja e Rusisë së Madhe historike dhe krijimi i një Unioni të shteteve sllave të kryesuar nga Rusia e Madhe. Një nga fotot e profilit në kanalin e tij privat në Telegram është një e realizuar në Kosovë. Radionov, dukshëm më i ri në krahasim me fotot aktuale, pozon para një tabele në Mitrovicë.

“Janë vëllezërit tanë serbë,” thotë Radionov në një video që postoi të dielën në mëngjes.

Radionov në përshkrimin e videos thotë se regjistrimi është bërë më 1 mars dhe se në video janë “Sava” dhe “Dunav”. Bëhet fjalë për dy persona që nga dhjetori i vitit të kaluar janë paraqitur nga televizionet dhe mediat ruse si vullnetarë nga Serbia. Megjithatë, ka media në Rusi që dyshojnë se persona të ndryshëm po prezantohen si të njëjtë. Portali rus theins.ru shkruan se “Sava” dhe “Dunav” tingëllojnë ndryshe në dy histori të ndryshme.

“Tu su naša braća Srbi”, govori Andrej Radionov, jedan od pripadnika ruskih oružanih snaga iz odjeljenja “Rusov” koje je sastavni dio bataljona “Sudoplatov”. Snimak je nastao 1. marta ove godine na ukrajinskom ratištu. Na snimku se vide osobe koje podižu tri prsta pic.twitter.com/kPq0JnGvEF

— Istraga.ba (@IstragaB) March 5, 2023

Sava dhe Dunav përsërisin klishe banale si “NATO po lufton për Ukrainën”, se “të gjitha problemet janë krijuar nga Perëndimi dhe struktura e tij politike në Kiev”. Mendimet e tyre janë përsëri të transmetuara kryesisht nga Vikingu. Sipas tij, në SVO mund të marrin pjesë disa qindra të huaj dhe “rreth 15 serbë, pesë-gjashtë maqedonas dhe disa njerëz nga vendet e tjera sllave” duan t’i bashkohen batalionit të tyre, transmeton theis.ru.

Por nëse shikoni disa video, shihet qartë se pas pseudonimeve Dunav dhe Sava, janë njerëz nga ish-Jugosllavia. Por është e pamundur të konfirmohet identiteti i tyre. Megjithatë, portali mjaft i besueshëm ukrainas Obozrevatel.com shkruan se personat pas pseudonimeve “Dunav” dhe “Sava” janë serbët Milan Luçiq dhe Jovan Bjelotomiq. Në tekst thuhet gjithashtu se Luçiq dhe Bjelotomiq janë në kërkim nga Interpoli në Republikën Çeke dhe Bosnje-Hercegovinë.

Sipas bazës së të dhënave të Interpolit, Jovan Bjelotomiq ka lindur në vitin 1996 në Bijeljina dhe ka nënshtetësi të Bosnjë-Hercegovinës dhe Serbisë. Sipas faqes së internetit të Administratës Federale të Policisë, Gjykata e Qarkut Livno ka lëshuar një urdhër arresti për Bjelotomiq për veprën e grabitjes. Sipas këtyre dokumenteve, Bjelotomiq është raportuar në Drvar kur së bashku me vëllain e tij Kosta dhe Nikolla Grujiq kanë grabitur filialin e “Intesa Sanpaolo Bank” në Drvar.

Milan Luçiq, raportuan mediat në Serbi dy vjet më parë, kërkohet nga Republika Çeke me dyshimin se është anëtar i një grupi të krimit të organizuar të lidhur me drogën ose dhunën.

Në vitin 2017, ai ishte në mesin e 16 personave të arrestuar në Republikën Çeke me dyshimin se kultivonte marijuanë me vlerë gati dy milionë euro në 11 superlaboratorë. Mes tyre ishte edhe Milan Luçiq, i cili mbërriti në Pragë atë vit si punëtor sezonal në një kompani fiktive.

Pasi u lirua nga paraburgimi, Lucic u arratis dhe për të u lëshua një urdhër i Interpolit.

Që nga viti 2021, Luçiqit i ka humbur çdo gjurmë. Nga ana tjetër mediat ukrainase pohojnë se është ai që fshihet nën maskën e “luftëtarit serb Dunav”. Sidoqoftë, është e pamundur të konfirmohet ky informacion për momentin, veçanërisht pasi Sava dhe Dunav janë të maskuar në të gjitha videot e Andrei Radionov Viking.

Istraga.ba u përpoq të kontaktonte Andrei Radionov, por ai nuk iu përgjigj thirrjeve tona. Menjëherë pas thirrjes sonë, ai postoi një klip që supozohet se ishte marrë më 1 mars në rajonin Zaporizhzhya të Ukrainës.

Istraga.ba ka tentuar të kontaktojë me Andrei Radionov, por ai nuk iu përgjigj thirrjeve tona. Megjithatë, jo shumë kohë pas thirrjes sonë, ai publikoi një video që dyshohet se është bërë më 1 mars në rajonin Zaporizhzhia të Ukrainës./Istraga.ba/