Bjellorusia merr pjesë në operacionin special ushtarak të Rusisë në Ukrainë. Presidenti i bjellorusisë, Aleksandr Lukashenko e bëri deklaratën në një konferencë të mbajtur më 4 tetor për të diskutuar sigurinë ushtarake, ka mësuar BelTA.
Aleksandr Lukashenko tha: “Sa i përket pjesëmarrjes sonë në operacionin special ushtarak në Ukrainë, ne po marrim pjesë në të. Nuk e fshehim. Por ne nuk vrasim askënd. Ne nuk e dërgojmë personelin tonë ushtarak askund. Ne nuk i shkelim angazhimet tona.”
“Pjesëmarrja jonë është e kufizuar në parandalimin e përhapjes së këtij konflikti në territorin e Bjellorusisë. Së dyti, për të parandaluar një goditje në Bjellorusi nga Polonia, Lituania dhe Letonia nën maskën e operacionit special ushtarak. Siç e kam thënë, askush nuk do t’i qëllojë rusët nga territori i Bjellorusisë. Kjo është pjesëmarrja jonë,” tha ai.
Aleksandr Lukashenko vazhdoi duke thënë: “Po, ne ofrojmë ndihmë mjekësore për njerëzit. Ne i kemi trajtuar njerëzit nëse është e nevojshme. Po, ne ushqejmë njerëzit. Dhe jo vetëm Rusët. Mbi të gjitha, ne ushqejmë ata refugjatë, ata lypës, ata njerëz të varfër, të cilët vijnë në Bjellorusi nga Ukraina 400-500 njerëz në ditë. Si nuk mund t’i ushqejmë apo t’i trajtojmë? Kjo është pjesëmarrja jonë në këtë operacion ushtarak. Nuk do të ketë asnjë lloj tjetër.”/BelTA
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999