Shtatëdhjetë diplomatë rusë dhe familjet e tyre janë larguar nga Bullgaria pasi janë dëbuar nga vendi i Bashkimit Evropian me dyshimin për spiunazh. Ministria e Jashtme e Bullgarisë tha të martën se i kishte kërkuar Rusisë të tërheqë 70 diplomatët e saj deri të dielën, 3 korrik, në mënyrë që të reduktojë ambasadën e saj në Sofje në staf të ngjashëm me atë të Bullgarisë në Moskë.
“Arsyeja e parë është reciprociteti. Së dyti, aktivitetet e zyrtarëve rusë që autoritetet përgjegjëse bullgare i shpallën të papajtueshme me Konventën e Vjenës për Marrëdhëniet Diplomatike”, njoftoi në atë kohë Ministria Bullgare. Në përgjigje, Rusia kërcënoi se do të mbyllte plotësisht ambasadën e saj në Bullgari, duke e bërë atë anëtarin e parë të BE-së që e bën këtë.
Kryeministri bullgar Kirill Petkov akuzoi ambasadoren ruse në Sofje Eleonora Mitrofanova se qëndron pas votimit të fundit të mosbesimit ndaj qeverisë së tij dhe një pjesë e mediave perëndimore mendojnë se Bullgaria mund të bëhet një pikë e dobët e ndikimit rus në Bashkimin Evropian.
Kryeministri në detyrë bullgar mbajti një qëndrim të vendosur kundër agresionit rus kundër Ukrainës. Në shkurt, ai shkarkoi ministrin e tij të mbrojtjes për refuzimin për ta quajtur atë që Rusia e quan një “operacion special ushtarak” një “luftë”. Petkov mbështeti sanksionet evropiane kundër Moskës dhe ra dakord të riparonte pajisjet ushtarake ukrainase, megjithëse nuk donte të dërgonte armë direkt në Kiev.
Kongresisti Wilson: Serbia të ndalë kërcënimet ndaj Kosovës dhe të shkëputet nga Moska 
Nga nëntori, rusët, kinezët dhe turqit do të kenë nevojë për viza për të hyrë në Mal të Zi 
FAZ rikthen të kaluarën e Vuçiqit: Nga Varrezat Hebraike të Sarajevës te retorika e “Serbisë së Madhe” 
Nëna e njërit prej të rinjve të vrarë në “Panda” paralajmëron padi: Vuçiq e di të vërtetën, shteti serb i vrau fëmijët tanë 
Si i rekruton Rusia të huajt për luftën në Ukrainë: Nga ofertat joshëse deri te mashtrimi 
Lufta paralizon jugun e Iranit: Errësirë, mungesë karburantesh dhe varka të shkatërruara