Presidenti polak, Andrzej Duda, ka arritur të dielën në Kiev dhe është bërë kreu i parë i një shteti që i është adresuar Parlamentit ukrainas, prej kur Rusia ka nisur pushtimin në këtë shtet më 24 shkurt.
Duda i ka bërë thirrje Ukrainës të mos dorëzohet ndaj kërkesave të presidentit rus, Vladimir Putin.
“Vetëm Ukraina ka të drejtë të vendosë për të ardhmen e saj”, u ka thënë ai ligjvënësve.
“Asgjë për ju, pa ju”.
Ai ka shtuar se dorëzimi i çfarëdo territori ukrainas do të përbënte goditje për gjithë Perëndimin dhe ka përsëritur mbështetjen polake për anëtarësimin e Ukrainës në Bashkimin Evropian.
Vizita e tij ka ndodhur teksa forcat ruse kanë zgjeruar operacionet ushtarake në lindje të Ukrainës.
Ushtria ukrainase ka raportuar për bombardime në rajonin e Donbasit.
Kryenegociatori ukrainas, njëherësh këshilltari i Zelenskyt, Mykhaylo Podolyak, ka thënë për agjencinë e lajmeve Reuters se Kievi ka hedhur poshtë çfarëdo armëpushimi me Rusinë që përfshin dorëzimin e ndonjë pjese të territorit ukrainas.
“Lufta nuk do të përfundojë”, ka thënë ai, në rast të ndonjë marrëveshjeje të tillë.
“(Marrëveshja e tillë) vetëm do të ndalonte për pak konfliktin. Ata do të nisnin ofensivë të re, edhe më të përgjakshme”.
Zelensky ka thënë po ashtu së fundi se lufta në Ukrainë përfundon vetëm “përmes diplomacisë”.
Kongresisti Wilson: Serbia të ndalë kërcënimet ndaj Kosovës dhe të shkëputet nga Moska 
Nga nëntori, rusët, kinezët dhe turqit do të kenë nevojë për viza për të hyrë në Mal të Zi 
FAZ rikthen të kaluarën e Vuçiqit: Nga Varrezat Hebraike të Sarajevës te retorika e “Serbisë së Madhe” 
Nëna e njërit prej të rinjve të vrarë në “Panda” paralajmëron padi: Vuçiq e di të vërtetën, shteti serb i vrau fëmijët tanë 
Si i rekruton Rusia të huajt për luftën në Ukrainë: Nga ofertat joshëse deri te mashtrimi 
Lufta paralizon jugun e Iranit: Errësirë, mungesë karburantesh dhe varka të shkatërruara