Frank-Walter Steinmeier ka pranuar për herë të parë gabimet e tij personale në politikat gjermane ndaj Rusisë.
Pak para agresionit rus kundër Ukrainës presidenti gjerman, Frank-Walter Steinmeier e kritikoi ashpër Vladimir Putinin.
Steinmeier konsiderohet si njëri nga arkitektët e politikave përafruese gjermane ndaj Rusisë.
Ai pranoi se ishte një gabim këmbëngulja për realizimin e projektit të gazsjellësit Nord Stream 2 midis Rusisë dhe Gjermanisë për kaq gjatë.
“Qëndrimi im për realizimin e Nord Stream 2 ishte padyshim një gabim”, tha Steinmeier në Berlin, sipas mediave gjermane.
“Ne i kam mbajtur urat në të cilat Rusia nuk besonte më dhe për të cilat na kanë paralajmëruar partnerët tanë”.
Për vite të tëra, SHBA dhe aleatët e tjerë të Gjermanisë kritikuan Berlinin për projektin e gazsjellësit, duke thënë se do të ishte i rrezikshëm për Ukrainën dhe do t’i dërgonte një sinjal të gabuar presidentit rus Vladimir Putin pasi ai aneksoi Krimenë në 2014.
Por, ish-kancelarja gjermane Angela Merkel qëndroi e bindur deri në fund të mandatit të saj në fund të vitit të kaluar se Nord Stream 2 ishte një projekt komercial dhe nuk kishte asnjë lidhje me politikën.
Serbia dhe Uzbekistani paralajmërojnë bashkëpunim për raketa, analisti ngre pikëpyetje për interesat ruse 
Von der Leyen pas varrimit të Mlladiqit: Vendet që lavdërojnë kriminelët e luftës nuk kanë vend në BE 
Sikorsky: Pasuria e ngrirë ruse nuk do t’i kthehet Moskës 
Parti e re proruse në Serbi, kërkon braktisjen e BE-së dhe forcimin e ndikimit të Moskës 
Uashingtoni ashpërson mesazhet ndaj Serbisë, Kongresi e paralajmëron për Rusinë, Kinën dhe glorifikimin e Mlladiqit 
Brukseli ashpërson tonin ndaj Beogradit: Parlamenti Evropian kërkon ndryshim të qasjes ndaj Vuçiqit