Ushtari ukrainas Tymofiy Shadura, i cili para ekzekutimit të tij pinte me qetësi një cigare në një llogoret dhe bërtiste “Lavdi Ukrainës!”, u vra nga anëtarët e njësisë neo-naziste “Rusich” që lufton si pjesë e grupit paramilitar rus “Wagner”.
Tymofiy ishte shpallur si person i zhdukur që nga 3 shkurti dhe është kapur pranë Vuledarit në rajonin e Donetskut.
Videoja e ekzekutimit të tij është publikuar nga grupi neo-nazist në kanalin e tyre në Telegram me përshkrimin “Më në fund një reagim normal”, shkruan The Geopost.
Grupi ekstremist “Rusich” udhëhiqet nga ish-parashutisti Alexey Milchakov i njohur me nofkën “Serbi”, 31-vjeçar nga Shën Petersburgu dhe Jan Petrovski. Ky i fundit ka jetuar për një kohë në Norvegji dhe nuk është shumë i ekzpozuar sesa Milchakovi.
“Serbi” është adhurues i kriminelit serb Arkan, që është i njohur për krimet e tij në Kosovë dhe Bosnjë e Hercegovinë, dhe është tifoz i ekipit të futbollit “Crvena Zvezda” të Beogradit.
5th: Aleksey Milchakov ( Russian #Wagner)
4th: Nikola Perovic (Serb and French)
3rd: Dragana Trifkovic (Serb #FSB)
2nd: Viktor Lenta (French Unite Continetale)
1st: Dusan Bozucanin (Serb killed in #Ukraine) pic.twitter.com/pNt03Z6DBa— Agim Musliu (@agim_musliu) March 9, 2023
Milchakov ishte i ftuar në disa kanale televizive zyrtare ruse duke folur hapur për pikëpamjet e tij naziste, ndërsa gazetarët perëndimor e quajtën atë një sadist neo-nazist.
“Duhet të kuptosh se kur vret një person, merr emocionin e gjuetisë. Nëse nuk keni qenë kurrë në gjueti, duhet ta provoni. Interesante”, shpjegon ai për mediet ruse duke shtuar se ka luftuar që nga viti 2014 në rajonin e pushtuar të Donbasit.
Në vitin 2017 ai luftoi edhe në Siri në krah të regjimit të Bashar al-Assadi dhe kishte publikuar në video duke u kënaqur në një vilë me një pishinë pranë qytetit të Palmyras.
Ai ia vuri vetes nofkën “Serbi”, sepse ishte magjepsur nga karakteri dhe veprimet e kriminelit të luftës Zheljko Razhnatoviq – Arkan, i cili me grupin e tij paramilitar “Tigrat” shkatërroi Kroacinë, Bosnjën e Hercegovinën dhe Kosovën, duke lënë gjurmë të përgjakshme, djegur shtëpi dhe plaçkitur gjithçka.
Paramilitari Milchakov ka bërë një tatuazh me mbishkrimin “Kosova është Serbi”. Ai është shumë i lidhur me fansat e “Crvena Zvezda” dhe se në rrjetet sociale ka dërguar video dhe foto i veshur me këmisha “Delia” dhe është e pamohueshme se aty ai ka miq në rrethin ekstrem të këtij klubi futbollistik.
Ai doli në qendër të vëmendjes së publikut në vitin 2011 kur filmoi veten duke torturuar dhe prerë kokën e një qeni, e publikuar në profilin e tij të rrjetit social rus VK, duke bërë thirrje për vrasjen e njerëzve të pastrehë, këlyshëve dhe fëmijëve.
Ky neo-nazist preferon të vrasë kur gjahu i tij është i palëvizshëm sesa kur vrapon. Këtë herë ai e konfirmoi duke qëlluar një ushtar ukrainas të zënë rob. /The Geopost/
https://twitter.com/nexta_tv/status/1632810823667032070
Ambasadori Hamilton: Rusia po përdor dezinformimin për destabilizim në Ballkan 
Çështja e Iranit, si vepruan presidentët amerikanë në luftëra të mëparshme për autorizim të Kongresit? 
Shqipëria dhe Kroacia thellojnë bashkëpunimin në mbrojtje, hedhin poshtë pretendimet e Serbisë 
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Ambasada amerikane paralajmëron se Shqipëria mund të jetë cak i grupeve të lidhura me Iranin 
NATO përgënjeshtron Rusinë për militarizimin e Ballkanit Perëndimor