Xhandarmëria e Republikës Serbe tenton të hyjnë në në kazermën e Rajllovcit

Pa paralajmërim dhepa njoftim të autoriteteve përkatëse në Bosnjë e Hercegovinë, anëtarët e xhandarmërisë së Republikës Serbe (RS) në Bosnje kanë tentuar të hyjnë në kazermën e Rajllovcit të martën për të arrestuar një ushtar të Forcave të Armatosura të Bosnjës dhe Hercegovinës (BeH).

“Ata kanë ardhur me dy automjete të policisë, njëra prej të cilave ishte e xhandarmërisë. Rreth orës 15 kanë qenë në portën e kazermës në Rajllovac, në kërkim të ushtarit A.Ç., i cili dyshohet se ka kryer veprën e grabitjes ”, tha një nga bashkëbiseduesit tanë.

Pjesëtarët e xhandarmërisë së Republikës Serbe kanë hyrë në kazermën e Forcave të Armatosura në Rajllovc afër Sarajevës të martën pasdite, me pretekstin se duhet t’ia privojnë nga liria një ushtar, ka deklaruar burime në Ministrinë e Mbrojtjes të BeH dhe Forcave të Armatosura.

Sipas informacioneve nga hetimi, pjesëtarët e xhandarmërisë kanë parkuar automjetet në hyrje të kazermës dhe kanë kërkuar që të futen në rreth për të arrestuar ushtarin e dyshuar.

“Por në dokumentet e tyre është shkruar mbiemri i gabuar. Kanë qëndruar për pak kohë në kazermë”, sqaron bashkëbiseduesi ynë.

Sipas këtyre burime, Ministria e Brendshme e RS nuk i ka njoftuar fare për këtë veprim Forcat e Armatosura të BeH. Pjesëtarët e Xhandarmërisë vetëm janë shfaqur në hyrje të kazermës që ndodhet në territorin e Federatës së BeH. Përpara se të fillonin të kryenin aktivitetin në territorin e Federatës, pjesëtarët e Ministrisë së Brendshme të Republikës Serbe do duhej t’i njoftonin kolegët e tyre në Federatën e BeH.

“Nuk kemi marrë asnjë njoftim,” na thanë nga Administrata Federale e Policisë, duke na udhëzuar të kontaktojmë Ministrinë e Brendshme të Kantonit të Sarajevës, në territorin e së cilës ndodhet kazerma Rajllovc.

Të mërkurën, Komisioneri i Sarajevës, Nusret Selimovic është provuar të kontaktohet por ai nuk u përgjigj, kështu që na u mohua përgjigja në pyetjet se a i ka lejuar dikush anëtarët e MPB-së së Republikës Serbe të kryejnë aksionin në objektin ushtarak në Sarajevë dhe nëse po kush.

Kazermat e Forcave të Armatosura janë kthyer në një temë të rëndësishme në media javëve të fundit. Kujtojmë se presidenti i SNSD-së, i cili është edhe anëtar i Presidencës së BeH-së, Milorad Dodik, paralajmëroi formimin e Ushtrisë së Republikës Serbe, duke deklaruar se autoritetet e RS-së do të marrin kazermat e vendosura në territorin e atij entiteti. Duke ndjekur  pikëpamjet e presidentit të saj Dodik, Bordi Kryesor i SNSD miratoi disa dokumente strategjike të cilat përmendin gjithashtu Forcat e Armatosura të BiH dhe aktivitetet e mundshme që do të pasonin pasi RS të formonte ushtrinë dhe gjyqësorin e saj.

“Ky proces përfshin edhe vendimin për anulimin e ligjeve për Gjykatën, Prokurorinë dhe të gjitha aktet e tjera të vendosura nga Përfaqësuesja e Lartë dhe të miratuara nga Asambleja Parlamentare e BeH. Pas kësaj do të ndalohet puna e organeve dhe institucioneve të krijuara nga ato ligje në territorin e RS me një afat të caktuar pas të cilin duhet të largohen vetë dhe nëse nuk largohen, pason ndërhyrja e organeve të  Republikës Serbe”, thuhet në dokumentin e SNSD.

Avdo Avdiq, bashkëpunëtor i The Geopost nga Bosnja dhe Hercegovina.