
Sekretari i Mbrojtjes së SHBA-së, Lloyd Austin, do ndalet që të vizitojë edhe Bullgarinë, në udhëtimin e tij në Evropë këtë javë, i cili do të fokusohet në forcimin e aleatëve të NATO-s, ndërkohë që lufta shpërthen në kufijtë e saj lindorë në Ukrainë, tha Pentagoni, të hënën.
Austin niset të martën për në Bruksel, ku do të marrë pjesë në një takim të NATO-s përpara se të udhëtojë për në Sllovaki, thuhet tutje.
Në Bullgari, Austin do të takohet me krerët ushtarakë dhe civilë, tha zëdhënësi John Kirby, pa ofruar detaje të mëtejshme mbi axhendën e tij.
Bullgaria, aleati më i ngushtë i Moskës gjatë Luftës së Ftohtë, tani është një vend anëtar i Bashkimit Evropian dhe NATO-s që ka dënuar pushtimin e Rusisë në Ukrainë.