Në kuadër të Forumit të Prespës që po mbahet në Maqedoninë e Veriut, sot po diskutohet në kuadër të sesionit “Ballkani Perëndimor- Manovrimi në kohëra turbulente”.
Në mesin e tyre është edhe ministrja e Punëve të Jashtme e Diasporës, Donika Gërvalla.
Gjithashtu, të pranishëm janë edhe Stuart Peach, i dërguar i Britanisë së Madhe për Ballkanin perëndimor, Gabriel Escobar, i dërguar i posaçëm i SHBA-së për Ballkanin perëndimor, manuel Sarrazin, i emëruar i posaçëm i Gjermanisë për Ballkanin perëndimor e shumë diplomatë të tjerë.
I emëruari i posaçëm, Stuart Peach, deklaroi se është e rëndësishme për t’u përcaktuar nëse je për Bashkimin Evropian apo jo.
“Ne duhet ta theksojmë rëndësinë e rrugëtimit për në BE, sepse ka ndikime tjera si p.sh. ndikimi rus”, tha Peach në fjalën e tij.
Sipas tij, siguria kolektive bëhet për 30 shtete të NATO-s dhe duhet të kthyer në mençurinë e 12 vendeve që janë pjesëtarë e kësaj, që, si themel të sigurisë evropiane, është që Britania e Madhe mbështet të gjithë ne rajon dhe ndihmon ne dialogun mes Kosovës e Serbisë.
“Duhet tani të mblidhemi dhe kur shohim invadimin rus në Ukrainë. Duhet të jemi të kujdesshëm, dhe të përmbahemi në rrugën euroatlantike”, tha Peach.
Sipas tij, duhet vazhduar që së bashku t’i dilet ballë edhe problemit në fushën energjetike, sepse Rusia, siç tha ai, e përdorë atë si lloj arme.
Raporti nga Zyra e Përfaqësuesit të Lartë në BiH: Lëvizjet e autoriteteve të RS po çojnë në ndarje de facto nga BiH 
Mediat ruse e paraqesin humbjen e Vuçiqit si pasojë të ndikimit perëndimor 
Vuçiqi pësoi humbje pas 14 vitesh: Studentët fituan 139 mandate, lista e tij mbeti në 104 
Automjetet e Xhandarmërisë për shpërndarjen e protestave para Presidencës së Serbisë 
Duriq: Radoiçiq dhe Veselinoviq janë dy kriminelët më të mëdhenj në Serbi 
Sputnik përhap dezninformata për Bondstillin, thotë se Serbia, Rusia dhe Kina duhet të japin pëlqimin