“Shok në Evropë, NATO po ndahet?! Rusia bëri një njoftim urgjent, një lajm i papritur tronditi kontinentin”. Artikulli i publikuar me këtë titull është një dezinformim i radhës për Aleancën Veriatlantike të NATO-s i publikuar të hënën në gazetën serbe “Informer”.
Deklarata u dha nga zëdhënësi i Putinit, Dmitry Peskov.
Çka tha Peskov?
“Moska po ndjek nga afër debatet për krijimin e një aleance ushtarake evropiane pa pjesëmarrjen e SHBA-së. Nuk është një ide e re, por Evropa ka mbetur e fokusuar në NATO deri më sot. Planifikimi i pavarur i politikës së sigurisë, përkatësisht identiteti i pavarur kur bëhet fjalë për mbrojtjen e sigurisë së vet në Bashkimin Evropian, është marrë në konsideratë për më shumë se një dekadë. Deri më tani, evropianët nuk kanë pasur sukses në asgjë, por deri më tani ata i kanë qëndruar besnikë qasjes së tyre drejt NATO-s”.
Analizë:
Presidenti i Rusisë, Vladimir Putin shfrytëzon Dmitry Peskovin, zëdhënësin e tij, për të shpërndarë propagandën që në cak ka Perëndimin.
Fuqia më e madhe ushtarake në botë, Organizata e Traktatit të Atlantikut të Veriut, e quajtur edhe Aleanca e Atlantikut të Veriut, është një aleancë ushtarake ndërqeveritare e 31 shteteve anëtare – 29 evropiane dhe dy të Amerikës së Veriut. Të gjitha shtetet kanë një dakordim mbi mbrojtjen e vendeve të tyre dhe në vazhdimësi krerët e shteteve kanë shfaqur unitet.
Prandaj kjo cilësohet si dezinformatë sepse NATO është forca më e madhe Veriatlantike që mision e ka paqen dhe mbrojtjen e popujve./G.Venhari-The Geopost/
Mladiqi vdiq, por ideologjia e tij mbeti gjallë – gazetari britanik me analizë për Serbinë 
“Për një serb do të vrasim 100 myslimanë”, Stojkoviq i reagon Vuçiqit: Ti je ai që nxite gjenocidin, do duhej të ishe në Hagë me Mlladiqin 
Zvicra synon të ndërtojë një batalion ushtarak dronësh deri në vitin 2028, thotë ministria e Mbrojtjes 
Makineria mediatike e regjimit të Vuçiqit dhe ato ruse e shndërrojnë kriminelin e dënuar të luftës, Ratko Mlladiqin, në “hero” 
Portali Borba promovon narrativën e Beogradit, bën propagandë me numrin e njohjeve të pavarësisë së Kosovës 
Kosova sërish në propagandën e Moskës – Medvedev përmend njohjen e Kosovës dhe kërcënon Perendimin për “pasoja”