Global Affairs Canada, ministria e jashtme e Kanadasë, zbuloi, më 23 tetor 2023, se një fushatë dezinformuese e lidhur me Kinën kishte shënjestruar dhjetëra deputetë. Kështu, një “botnet” dërgoi mijëra mesazhe “propagande dhe dezinformuese” në llogaritë e Facebook dhe X (ish-Tëitter) të këtyre deputetëve.
E nisur në fillim të gushtit 2023, fushata, ndoshta e udhëhequr nga Republika Popullore e Kinës, arriti kulmin midis 8 dhe 10 shtatorit 2023. Ajo preku deputetët nga të gjitha partitë dhe të gjitha fushat, duke përfshirë kryeministrin Justin Trudeau, liderin e opozitës Pierre Poilievre, dhe disa ministra.
Postimi masiv i ‘spamit’ synonte të diskreditonte një personalitet publik kanadez kinez-folës, i cili është një kritik i zëshëm i qeverisë kineze. Mesazhet pretendonin se ky person kishte akuzuar deputetët e synuar për “vepra penale dhe sjellje joetike”. Përmbajtjet false (deepfakes) u përdorën për të mbështetur pretendimet.
Sipas Global Affairs Canada, qëllimi i operacionit ishte ndoshta “të heshtte kritikët e partisë komuniste kineze duke inkurajuar deputetët që të distancoheshin nga ky person dhe duke dekurajuar komunitetin e gjerë online që të komunikonte me ta”.
Problemi me dezinformimin kinez nuk po rrit shqetësimin vetëm në Kanada.
Edhe ligjvënësit amerikanë paralajmëruan të enjten se përpjekjet e Partisë Komuniste Kineze për përhapjen e dezinformatave do të rriten vetëm përpara zgjedhjeve të vitit 2024 në Shtetet e Bashkuara. Dhe në këtë rast gjigandi i mediave sociale TikTok është shqetësimi kryesor i ligjvënësve.
Ligjvënësit amerikanë paralajmëruan të enjten se fronti më i rëndësishëm në konkurrencën midis SHBA-së dhe Kinës mund të jetë në telefonat celularë të njerëzve.
Ndërkaq, ekspertët u thanë ligjvënësve që TikTok po bëhet gjithnjë e më shumë burimi kryesor i lajmeve për shumë amerikanë, veçanërisht ata më të rinj, por thanë se ligjet ende mund të miratohen për të ndaluar përhapjen e dezinformatave.
* Një botnet i referohet një grupi kompjuterësh të cilët janë infektuar nga malëare dhe kanë rënë nën kontrollin e një aktori keqdashës./The Geopsot/
Ministri i Brendshëm i Shqipërisë: Kemi propagandë ruse në gjuhën serbe 
Biden vë në qendër të vëmendjes Korridorin Lobito të Angolës, trashëgimia e tij për të kundërshtuar Kinën në Afrikë 
Vulin kërkon ligjin rus në Serbi: Ligji për regjistrin e posaçëm të agjentëve të ndikimit të huaj të dorëzohet në Parlament 
Ushtarët amerikanë vazhdojnë të kryejnë patrullime të zbërthyera dhe pika vëzhgimi të sigurisë në Zubin Potok 
Shpërthimi në Zubin Potok, konfiskohen arsenal armësh e pajisje ushtarake 
Paraguai është i përkushtuar ndaj marrëdhënieve me Tajvanin në mes të rritjes së ndikimit kinez në Amerikën Latine