Protestat e paralajmëruara ditë më parë do të mbahen sot në 17 rrugë ndërlidhëse në Mal të Zi.
Policia nuk do të ndalojë protestat e quajtura“Me bllokim kundër tradhëtisë” që sot organizon në disa komuna Fronti Demokratik (FD), duke bllokuar 17 rrugë rajonale.
Paralajmërimi është se në orën 18.30, për shkak të koalicionit të mundshëm të pjesëve të aleancës qeverisëse me Partinë Demokratike të Socialistëve, pritet që në disa komuna – nga Podgorica, përmes Nikshiqit, Budvës, Pljevljas, Beranës të bllokohen disa rrugë.
“10.565 persona kanë dhënë numrat e tyre të telefonit dhe presin ftesë për të shkuar në 17 postblloqe”, tha dje në një konferencë për media një nga liderët e FD-së, Andrija Mandiq.
Ai tha se do të bllokohet qarkullimi ndërqytetës. Siç ka bërë të ditur ai, në Podgoricë janë tre rrugë – në Zetë dhe Zllaticë, ndërsa pritet të ndërpritet qarkullimi në rrethrrotullimin drejt Cetinjes dhe Nikshiqit.
Siç është paralajmëruar, mbi dhjetë mijë mbështetës të DF do të marrin pjesë në bllokim.
Sipas informacioneve jozyrtare, në polici nuk është dorëzuar asnjë kërkesë për mbajtjen e tubimeve dhe aktualisht policia nuk ka informacione të sakta se ku do t’i organizojë bllokimet FD. Sipas burimeve të “Vijesti”, DF nuk i ka përcaktuar të gjitha lokacionet deri mbrëmë.
DF ka shpallur bllokimin që nga shkarkimi i kryeparlamentarit Aleksa Becic më 7 shkurt, nëse nuk arrihet një marrëveshje midis shumicës ekzistuese parlamentare për tejkalimin e krizës aktuale dhe formimin e një qeverie të re, pas votimit të mosbesimit ndaj qeverisë aktuale. më 4 shkurt.
Marrëveshja përfundimtare e akterëve parlamentarë për formimin e qeverisë së pakicës, e propozuar nga Koalicioni Bardh e Zi (GP URA dhe CIVIS), është vonuar për shkak se pritet vendimi i Bordit Kryesor të Partisë Popullore Socialiste (PKSH) për mbështetjen e mundshme.
Mandiq tha në konferencën për shtyp se kanë marrë informacione të këqija se PKSH kishte deleguar negociatorë për negociata për një qeveri të pakicës të mbështetur nga PSD, e cila, siç tha ai, u prit keq në koalicionin “Për të ardhmen e Malit të Zi”, pjesë e të cilit është edhe PKSH.
Ai tha se bllokimi i rrugëve do të zgjasë një orë e gjysmë dhe se “10565 persona kanë dhënë numrat e tyre dhe presin telefonatë për të dalë në 17 postblloqe”.
“Ne kemi një plan shumë serioz i cili nuk do të lejojë që Qeveria e Zdravko Krivokapiqit të përgatisë zgjedhjet, e as qeveria pakicë e Dritan Abazovicit që t’i përgatisë ato zgjedhje. Ne po bëjmë përpjekje për të formuar një qeveri brenda shumicës parlamentare, plus pakicat, dhe nëse kjo nuk funksionon, ne kemi një plan tjetër” tha Mandiq.
FD për herë të fundit ka organizuar protesta në fund të vitit 2018 para ndërtesës së Kuvendit për shkak të arrestimit të Nebojsha Medojeviqit dhe mundësinë e arrestimit të Milan Knezevicit. Gjykata e Lartë e Podgoricës më pas urdhëroi arrestimin e tyre për refuzimin e dëshmimit në procedura të veçanta.
Në maj të vitit 2016 protestuan edhe kundër qeverisë së besimit elektoral, përkatësisht hyrjes së një pjese të opozitës në kabinetin e Milo Gjukanoviqit, të cilën e cilësuan si tradhti dhe njohje të korrupsionit politik para zgjedhjeve parlamentare.
Paraprakisht, protestat u organizuan në tetor të 2015, ku pati trazira dhe incidente të shumta, si dhe arrestimin e deputetëve të asaj aleance. FD protestoi në qendër të Podgoricës për 20 ditë, duke kërkuar dorëheqjen e qeverisë së kryeministrit të atëhershëm Milo Gjukanoviq.
