Zbatuesit e ligjit ukrainas kanë ekspozuar një fermë “bot-ësh” të krijuar nga banorët e Khersonit, që vepron në interes të operatorëve rusë. Kështu bën të ditur shërbimi për shtyp i Prokurorisë së Përgjithshme.
Sipas operativëve të sigurisë, autorët kishin instaluar dhe administruar nga shtëpitë e tyre pajisje të posaçme telekomunikacioni, duke i lejuar ata të fshehin ID-të aktuale të rrjetit kur krijonin profile nëpër mediat sociale, forumet në internet dhe mesazherët e bisedave, duke ndryshuar të dhënat e trafikut.
Hetimi zbuloi se që nga viti 2019, më shumë se 20,000 profile të rreme janë krijuar për të qarkulluar kërcënime anonime me bomba dhe mesazhe që përmbajnë dezinformata, dhe për të ndjekur veprime të tjera të paligjshme që synojnë destabilizimin e Ukrainës. Fajtorët u paguan për punën e tyre përmes sistemeve të ndaluara të transaksioneve me bazë në Rusi.
Gjatë kontrolleve, forcat e rendit konfiskuan kompjuterë me softuerin përkatës të instaluar, si dhe pajisje telekomunikacioni dhe më shumë se 3,000 SIM kartela.
Ekzaminimet përkatëse forenzike, marrja në pyetje dhe rutinat e tjera hetimore që synojnë sjelljen para përgjegjësisë penale të të gjithë individëve bashkëpunëtorë në veprat penale janë duke u zhvilluar në kuadër të procedimeve përkatëse penale.
Që nga fillimi i vitit 2021, Agjencia Ukrainase e Inteligjences, SBU ka ekspozuar më shumë se 30 asete dhe grupe të inteligjencës ruse që veprojnë në fushën kibernetike.
NATO dënon sjelljen destruktive të Rusisë në Shkup, i kërkon të tërhiqet menjëherë nga Ukraina 
Ligjvënësit amerikanë dhe ekspertët të shqetësuar për dezinformimin në rritje të Kinës 
Lavrov “non grata” në Shkup, i quan Blinkenin dhe Borellin “frikacakë” 
Strategjia e mbrojtjes e BE-së duhet të përfshijë Ukrainën, thotë von der Leyen 
Lavrovit i kërkohet t’i dëgjojë krimet e Rusisë në Ukrainë në Samitin në Shkup 
Levrov i izoluar në Shkup: I nervozuar braktisi takimin pasi pjesëmarrësit bojkotuan fjalimin e tij