Policia e Kosovës ka njoftuar se është duke hetuar një kanosje ndaj kryeministrit të Kosovës, Albin Kurti, e publikuar në rrjetet sociale nga profili “Severna Brigada”, organizatë e shpallur terroriste nga institucionet e Kosovës.
Sipas njoftimit zyrtar, Drejtoria për Hetimin e Krimit të Organizuar dhe Krimeve të Rënda ka pranuar më 8 maj 2026 informacionin lidhur me kërcënimin, ndërsa menjëherë pas kësaj janë ndërmarrë veprime intensive hetimore në koordinim me Prokuroria Speciale e Republikës së Kosovës dhe me mbështetjen e Drejtorisë për Hetimin e Krimeve Kibernetike.
“Është konstatuar se kanosja është publikuar përmes llogarisë facebook.com/severna.brigada.2025”, thuhet në njoftimin e Policisë së Kosovës.
Autoritetet kanë bërë të ditur se, bazuar në hetimet fillestare dhe të dhënat e siguruara nga njësitë kompetente, postimi dyshohet se është bërë nga territori i Serbisë, konkretisht nga qyteti i Kraljevo.
Policia ka njoftuar gjithashtu se janë identifikuar IP-adresa e përdorur për publikimin e kërcënimit, si dhe të dhënat personale të përdorura gjatë regjistrimit të profilit në rrjetin social.
Sipas autoriteteve, analizat e kryera nga njësitë përkatëse kanë nxjerrë edhe të dhëna shtesë që mund të ndihmojnë në vazhdimin e hetimeve nga Policia e Kosovës dhe Prokuroria Speciale.
Institucionet e sigurisë nuk kanë dhënë detaje të tjera lidhur me përmbajtjen e kanosjes apo identitetin e personave të dyshuar, ndërsa hetimet për rastin janë duke vazhduar.
The Geopost

Detaje të reja rreth serbëve me të kaluar kriminale që i dëboi Mali i Zi, mbështetës të Vuçiqit
Margetiq publikon sërish dokumente për “Sarajevo Safari”, përmendet Vuçiqi
Avokati Niniq: Rasti i Tivatit ekspozon rrjete të kriminalizuara politike në Serbi nën udhëheqjen e Vuçiqit
Vuçiq, masha politike e Pekinit në Ballkan
Mediat ruse në shërbim të destabilizimit: Kremlini dhe Beogradi po përdorin zgjedhjet në Kosovë për përhapjen e propagandës
Policia bastis dy lokacione në Zubin Potok, konfiskohen katër armë pas rastit të kanosjes ndaj ministrit Sveçla