Rumania ngriti në ajër avionët luftarakë të NATO-s pasi një dron hyri në hapësirën e saj ajrore gjatë një sulmi të madh rus me raketa dhe dronë ndaj Ukrainës fqinje.
Ministria e Mbrojtjes e Rumanisë tha se radari ushtarak zbuloi një grup objektivash ajrorë pranë kufirit ukrainas, në veri të qarkut lindor të Tulceas.
Dy avionë luftarakë spanjollë F-18 në Rumani, si pjesë e misionit të patrullimit ajror të NATO-s, u ngritën në ajër për të monitoruar situatën, ndërsa një helikopter ushtarak rumun IAR-330 SOCAT u dërgua në një mision zbulimi.
Autoritetet lëshuan gjithashtu një alarm për njerëzit në zonën e prekur.
Ministria tha se një dron kaloi në hapësirën ajrore rumune rreth 13 kilometra në lindje të Galațit, një qytet afër kufijve me Ukrainën dhe Moldavinë.
Tre minuta më vonë, ekuipazhi i helikopterit rumun raportoi se droni ishte rrëzuar rreth katër kilometra në verilindje të fshatit Grindu në Qarkun Tulcea.
Përplasja shkaktoi një zjarr, i cili u shua vetë. Nuk u raportuan viktima apo dëme dhe një ekip ushtarak u dërgua për të siguruar vendin e rrëzimit.
Incidenti vjen vetëm katër ditë pasi një avion spanjoll F-18 rrëzoi një tjetër dron pasi ai hyri në hapësirën ajrore rumune nga Moldavia.
Rumania nuk e identifikoi as atë avion, megjithëse një zëdhënës i NATO-s tha se dukej të ishte rus.
Gjermania nis prodhimin masiv të dronëve për Ukrainën, disa do të kenë rreze deri në 1,500 kilometra 
Suedia në alarm nga kërcënimi rus: Duan të na bëjnë të ndihemi të pasigurt 
Ministri irlandez: Varrimi shtetëror për Mlladiqin ose pjesëmarrja e pushtetit në të, të papranueshme për BE-në 
Detaje nga aktakuza ndaj 35 të dyshuarve për vrasjen e civilëve në lagjen e Jasharëve në Prekaz 
Marta Kos anulon vizitën në Serbi për shkak të glorifikimit të Ratko Mlladiqit 
Nga dosja e Fehim Salit në Kosovë te spyware-i ndaj studentëve në Serbi: Si Vuçiq përdor BIA-n për spiunazh dhe ndërhyrje politike