Zemëroi BE-në që u takua me Putinin, Orban: Jam krenar me që mbaj komunikimin me Rusinë.

Kryeministri hungarez Viktor Orban tha të enjten se ishte krenar që i mbante haptas komunikimet me Moskën pasi zemëroi liderët e tjerë të BE-së duke u takuar me presidentin rus Vladimir Putin muajin e kaluar.

“Ne i mbajmë të hapura të gjitha linjat e komunikimit për rusët. Përndryshe, nuk do të ketë asnjë shans për paqe”, u tha Orban gazetarëve përpara një takimi të krerëve të Bashkimit Evropian në Bruksel.

“Kjo është një strategji. Kështu që ne jemi krenarë për të.”

Pastaj, Orban tha se këtë po e bën në emër të paqes.

“Ne jemi të vetmit që po flasim në emër dhe në favor të paqes, e cila do të ishte në interes të të gjithëve në Evropë”.

Orban, i cili ka mbajtur lidhje me Moskën, shtrëngoi duart me Putinin gjatë një takimi në Pekin më 17 tetor, në të cilin ata diskutuan për bashkëpunimin energjetik.

Ishte një takim i rrallë për Putinin me një lider evropian që kur ai nisi pushtimin e Ukrainës në shkurt të vitit 2022, e cila kufizohet me Hungarinë.

Udhëheqësi hungarez ka folur më parë kundër sanksioneve perëndimore ndaj Moskës në përgjigje të ofensivës së saj në Ukrainë.

Takimi kishte ngritur habinë mes partnerëve të Hungarisë në NATO.

Ambasadorët e shteteve anëtare të aleancës ushtarake dhe Suedisë u takuan në Budapest javën e kaluar për të diskutuar shqetësimin e tyre në rritje rreth thellimit të marrëdhënieve të Hungarisë me Rusinë, tha ambasada e SHBA-së për AFP.

Në takim me Putinin tjetër lider nga Europa që shkoi ishte Presidenti i vendit kandidat për BE, Aleksandar Vuçiq i Serbisë.

Ai shkoi në Kinë për t’u takuar me Putinin dhe me Presidentin kinez Xi Jimping, për të bërë marrëveshje për blerje të armëve. Vuçiç e pranoi madje që armët më të sofistikuara janë të Kinës.

/TheGeopost/