Presidenti i Serbisë Aleksandër Vuçiq ka deklaruar se nuk do të kandidojë për zgjedhjet e ardhshme presidenciale në Serbi, duke pretenduar se “nuk është diktator”.
Vuçiq këto deklarata i bëri të mërkurën në një konferencë për shtyp, pas një takimi me kancelarin austriak, Christian Stoker, kanë shkruar mediat serbe.
“Unë jam një veteran politik, nuk mund të kandidojë më për president”, ka thënë ai.
Por nuk shkoi shumë, kur në mbrëmje të së mërkurës mbëahtetësit e Vuçiqit në Novi Sad të Serbisë qëlluan qytetarët me piroteknikë. Sulmet erdhën nga drejtimi i ambienteve të SNS, siç shihet në disa video të publikuara në rrjete sociale.
Aty u hodhën edhe pishtarë dhe u dëgjuan të shtëna topash.
Protestat në Serbi nisën pas shembjes së një çatie të një stacioni të trenit më 1 nëntor 2024 në Novi Sad.
Përveç në Novi Sad, qytetarët këtë të mërkurë u mblodhën në Beograd, Nish, Kragujevc, Suboticë, Shabac, Leskovc, Sombor, Pançevë dhe Valevë.
Kujtojmë se një ditë më parë, të martën, mbështetësit e Aleksandar Vuçiqit sulmuan protestuesit me fishekzjarrë, gurë, shishe dhe çelësa. Një sulm i ngjashëm ndodhi edhe në Baçka Pallankë.
/TheGeopost
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999