Sputnik, një platformë mediatike ruse, e ngriti çështjen duke pretenduar se presidenti i SHBA Joe Biden bëri që një vajzë e vogël të qante gjatë një ngjarjeje tradicionale të Pashkëve në Shtëpinë e Bardhë.
Çfarë shkruhet në portalin telegram kanalin e Sputnikut:
Presidenti amerikan Joe Biden, së bashku me gruan e tij Jill dhe djalin Hunter, pritën fëmijët që dëshironin të merrnin pjesë në “gjetjen e vezëve të Pashkëve” në lëndinën jugore të Shtëpisë së Bardhë.
“Me atë rast presidenti amerikan ka arritur të bëjë të qajë një vajzë të vogël. Nga ana tjetër, mediat britanike raportuan se Biden e ka ngushëlluar vajzën që ka shpërthyer në lot. Kujt i besoni më shumë – mediave apo syve”.
Analiza:
Sputnik bëri me dije se mediat britanike po raportonin të kundërtën, ndërsa në fakt mediat britanike publikuan një tjetër video që tregonte një pamje tjetër. Videoja e publikuar nga mediat britanike si “Daily Mail” tregon qartë se Biden ndërveproi i lumtur me vajzën. Është e rëndësishme të theksohet se “Daily Mail” dhe “Sputnik” publikuan video të ndryshme, ku mediat britanike përcjellin ndërveprimin e vërtetë të Presidentit Biden me vajzën, ndërsa Sputnik interpretoi në mënyrë manipuluese duke publikuar një tjetër video për të njëjtën ngjarje. Kjo shfaqje selektive e informacionit nga Sputnik konfirmon keqinformimin dhe synimet e tyre për të mashtruar publikun./G.Venhari-The Geopost/
Ekonomia e Putinit nën presion: Bursa ruse në rënien më të rëndë që nga viti 1997 
Si e ka riformësuar agresioni rus arkitekturën e sigurisë në Evropën Qendrore? 
Shtohet presioni gjerman pas deklaratës skandaloze për Kosovën të ministres serbe 
Lista Serbe vazhdon me narrativën e Beogradit, Simiq sulmon Rashiqin dhe institucionet e Kosovës me akuza të pabaza 
Ukraina godet 17 nga 20 anijet e flotës ruse në ‘hije’ në Detin e Zi 
Zgjerimi i BE-së: Shqipëria dhe Mali i Zi përparojnë në negociatat e anëtarësimit, Serbia ngec edhe më tej