Në konfliktin në Ukrainë, presidenti rus Putin i ka bërë thirrje NATO-s dhe SHBA-së që “menjëherë” të negociojnë për garancitë e sigurisë me Rusinë. Vladimir Putini e theksoi nevojën e negociatave të menjëhershme gjatë një takimi me homologun e tij finlandez Niinistö, njoftoi Kremlini. Zgjerimi në lindje i aleancës ushtarake së NATO-s si dhe vendosja e sistemeve të armëve në Ukrainë dhe vendet e tjera fqinje me Rusinë duhet të përjashtohet, theksoi Putini.
Moska kishte kërkuar më parë që të përjashtohej mundësia e anëtarësimit të Ukrainës dhe Gjeorgjisë në aleancën ushtarake perëndimore. Megjithatë, anëtarësimi i këtyre dy vendeve në NATO nuk është në agjendë.
Kohët e fundit, tensionet midis Rusisë dhe Perëndimit në konfliktin për Ukrainën janë acaruar ndjeshëm. Përballë vendosjes masive të trupave ruse në kufirin ukrainas, vëzhguesit kanë frikë se Moska do të ndërhyjë ushtarakisht në Ukrainë.
Kongresisti Wilson: Serbia të ndalë kërcënimet ndaj Kosovës dhe të shkëputet nga Moska 
Nga nëntori, rusët, kinezët dhe turqit do të kenë nevojë për viza për të hyrë në Mal të Zi 
FAZ rikthen të kaluarën e Vuçiqit: Nga Varrezat Hebraike të Sarajevës te retorika e “Serbisë së Madhe” 
Nëna e njërit prej të rinjve të vrarë në “Panda” paralajmëron padi: Vuçiq e di të vërtetën, shteti serb i vrau fëmijët tanë 
Si i rekruton Rusia të huajt për luftën në Ukrainë: Nga ofertat joshëse deri te mashtrimi 
Lufta paralizon jugun e Iranit: Errësirë, mungesë karburantesh dhe varka të shkatërruara