Në mesazhin e tij të parë zanor më 26 qershor, Yevgeny Prigozhin, themeluesi i grupit “Wagner”, tha se priste “fitore të reja në front”, pa dhënë detaje.
Mesazhi u postua në kanalin Telegram “Grey Zone”, i lidhur me kompaninë private mercenare ushtarake “Wagner”.
Prigozhin falënderoi popullin rus për mbështetjen e tij, për të cilën tha se ishte më e nevojshme se kurrë.
“Dëshiroj të kuptoni se ‘marshimi ynë për drejtësi’ kishte për qëllim ‘luftimin e tradhtarëve dhe mobilizimin e shoqërisë sonë’. Mendoj se kemi arritur shumë”, tha Prigozhin.
Më 23 qershor, Prigozhin nisi një “marshim për drejtësi” kundër udhëheqësve ushtarakë rusë pasi ushtria ruse dyshohet se shënjestroi pozicionet e luftëtarëve “Wagner” në Ukrainë.
Mercenarët e tij pushtuan Rostovin dhe arritën 200 kilometra larg Moskës, vetëm për t’i dhënë fund të papritur rebelimit pas bisedimeve midis Prigozhin dhe presidentit bjellorus Aleksandër Lukashenko.
Prigozhin dhe ushtarët e tij u lejuan të niseshin për në Bjellorusi. Atyre iu ofrua opsioni për t’u bashkuar me ushtrinë ruse ose, nëse dëshironin, të ktheheshin në shtëpitë e tyre.
Lukashenko tha se Prigozhin mbërriti në Bjellorusi më 27 qershor. Megjithatë, nuk ka ende një konfirmim për vendndodhjen e saktë të shefit të Wagner./Danas/
“Koha që Serbia të përballet me pasojat”: Brukseli ndryshon ton pas funeralit të Mlladiqit 
Mladiqi vdiq, por ideologjia e tij mbeti gjallë – gazetari britanik me analizë për Serbinë 
“Për një serb do të vrasim 100 myslimanë”, Stojkoviq i reagon Vuçiqit: Ti je ai që nxite gjenocidin, do duhej të ishe në Hagë me Mlladiqin 
Zvicra synon të ndërtojë një batalion ushtarak dronësh deri në vitin 2028, thotë ministria e Mbrojtjes 
NATO: KFOR ka nisur përshtatjen e pozicionimit dhe pranisë në terren pas përmirësimt të sigurisë në Kosovë 
Vuçiq “i puth dorën” Zelenskyt, ndërsa i ruan shpinën Putinit