Faqja propagandistike dhe e njohur për përmbajtje tendencioze “Kosovo i Metohija” ka publikuar një shkrim ku raportohet se një grup vullnetarësh rusë dhe serbë ka organizuar tre turne sportive bamirëse në Beograd, Višegrad dhe Rashkë, me qëllim mbledhjen e fondeve për Manastirin e Shën Petkës në veri të Kosovës.
Sipas përmbajtjes së publikuar nga kjo faqe, aktivitetet u mbajtën në fund të tetorit dhe në to morën pjesë gjashtëmbëdhjetë skuadra nga disa qytete serbe. Një turne në Rashkë ishte i dedikuar Slavës së Shën Petkës, ndërsa banorët e Surçinit kontribuuan duke organizuar një turne në fushën e tyre lokale dhe duke siguruar të gjithë infrastrukturën e nevojshme.
Po sipas shkrimit, shumat e mbledhura të parave janë transferuar në llogarinë e manastirit. Grupi i vullnetarëve deklaron se për tri ditë organizuan tri turne vëllazërore dhe vizituan edhe vende historike në Višegrad dhe Rashkë.
Organizatorët pretendojnë se aktivitetet e tyre nuk janë ndjekur nga mediat, ndërsa videot dhe fotot e turneve janë publikuar në profilin e tyre në Instagram.
Shkrimi i publikuar nga “Kosovo Metohija” përputhet me narrativat e zakonshme të faqes, e cila shpesh raporton për temat e Kosovës me tendencë të qartë, nxitjen e propagandës.
Mijëra njerëz u nisën në një Marsh Paqeje tre-ditor në kujtim të viktimave të gjenocidit të Srebrenicës 
Eurodeputetët me kritka të ashpra ndaj Serbisë: Nuk ka vend në BE për regjimin autokratik të Vuçiqit 
Dokumentari që trazon narrativat serbe për luftërat e viteve ’90: Këtë serbët nuk duan ta dëgjojnë, as për Kosovën 
Avokati i Popullit në Serbi kërkon hetim ndaj përgjegjësve për posterët kundër shqiptarëve në Krushevc 
Mos e bllokoni rrugën e Ukrainës drejt pranimit në BE, Zelensky u kërkon Hungarisë dhe Polonisë 
Serbia forcon lidhjet ushtarake me Kinën, pavarësisht trysnisë nga Perëndimi