Presidenti i Republikës Srpska, Milorad Dodik, ka pranuar të paguajë shumën e caktuar nga gjykata për të shmangur vuajtjen e një dënimi me një vit burg, të cilin e kishte marrë pas një vendimi përfundimtar për mosrespektim të urdhrave të Përfaqësuesit të Lartë në Bosnjë dhe Hercegovinë.
“Duke vendosur mbi kërkesën e mbrojtjes së të dënuarit Milorad Dodik për zëvendësimin e dënimit të shqiptuar me burg me gjobë, Gjykata, në përputhje me rregulloret ligjore, nxori një vendim me të cilin, pas deklaratës së Prokurorisë së BeH-së, u miratua propozimi i lartpërmendur i mbrojtjes dhe i dënuari Milorad Dodik u dënua me gjobë në vend të burgut”, thuhet në njoftimin zyrtar të Gjykatës së Bosnjë dhe Hercegovinës.
Dodik pagoi shumën prej 18 mijë euro, duke shmangur kështu qëndrimin pas hekurave për 365 ditë. Ligji në Bosnje dhe Hercegovinë lejon zëvendësimin e dënimeve me burg deri në një vit me gjobë, nëse plotësohen kushtet ligjore dhe nëse gjykata e miraton një kërkesë të tillë.
Përveç dënimit penal, Dodikut iu shqiptua edhe një masë shtesë ndaluese, përkatësisht ndalimi i ushtrimit të funksioneve politike për një periudhë prej gjashtë vitesh. Në bazë të këtij vendimi, Komisioni Qendror Zgjedhor i Bosnjës dhe Hercegovinës (KQZ) i hoqi mandatin si president i entitetit të Republikës Srpska.
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999