Bashkimi Evropian (BE) njoftoi se në ditët në vijim do të shpallen sanksione të reja ndaj Bjellorusisë.
Deklarata pason paralajmërimin e Polonisë se është rritur numri i migrantëve të cilët nga Bjellorusia po lëvizin në drejtim të kufirit të saj.
Ministrat e Jashtëm të 27 vendeve anëtare të BE-së e freskuan pakon e sanksioneve ndaj Bjellorusisë gjatë një takimi të tyre në Bruksel.
Sanksionet përfshijnë linjat ajrore, agjentët e udhëtimit dhe individët që dyshohet se janë përfshirë në krizën me migrantë në kufijtë e Bjellorusisë me Poloninë, Letoninë dhe Lituaninë.
Këto vende formojnë krahun lindor të Bashkimit Evropian dhe NATO-s.
Përfaqësuesi i lartë i Bashkimit Evropian për Politikë të Jashtme dhe Siguri, Josep Borrell u tha gazetarëve pas takimit se ministrat arritën marrëveshje mbi atë që do të jetë rundi i pestë i sanksioneve, i cili do të finalizohet në ditët në vijim dhe i cili shënjestron në mënyrë specifike “një numër mjaft të rëndësishëm” individësh dhe subjektesh.
Masat pritet të përfshijnë ngrirje të pasurive dhe ndalime të udhëtimit.
“Vendimi i sotëm pasqyron vendosmërinë e Bashkimit Evropian për t’i bërë ballë përdorimit të migrantëve për qëllime politike”, tha Borrell.
Lista Serbe vazhdon me narrativën e Beogradit, Simiq sulmon Rashiqin dhe institucionet e Kosovës me akuza të pabaza 
Ukraina godet 17 nga 20 anijet e flotës ruse në ‘hije’ në Detin e Zi 
Zgjerimi i BE-së: Shqipëria dhe Mali i Zi përparojnë në negociatat e anëtarësimit, Serbia ngec edhe më tej 
Si u shndërrua vizita e Presidentit të Shqipërisë në Preshevë dhe Bujanoc në narrativë për “pushtim” dhe “Shqipëri të Madhe” 
Mijëra njerëz u nisën në një Marsh Paqeje tre-ditor në kujtim të viktimave të gjenocidit të Srebrenicës 
Eurodeputetët me kritka të ashpra ndaj Serbisë: Nuk ka vend në BE për regjimin autokratik të Vuçiqit