Ambasadori i Shteteve të Bashkuara në Rusi, John Sullivan u largua nga Moska pas përfundimit të mandatit të tij më 4 shtator, njoftoi ambasada amerikane.
Sullivan u emërua ambasador në Rusi në dhjetor 2019.
“Pas largimit të tij, ai do të përfundojë karrierën e tij në shërbimin publik, e cila ka zgjatur katër dekada dhe ka përfshirë pesë presidentë amerikanë”, thuhet në deklaratë.
Sullivan (62), i lindur në Boston, Massachusetts, ishte Ndihmës Sekretar i Shtetit nën Presidentin Donald Trump dhe shërbeu në pozicione të shumta në Departamentin e Drejtësisë, Mbrojtjes dhe Tregtisë në SHBA.
Elizabeth Rood do të marrë detyrën si e ngarkuar me punë derisa të arrijë pasardhësi i Sullivanit, tha ambasada e SHBA.
John Sullivan u largua në një kohë kur marrëdhëniet SHBA-Rusi po kalojnë krizën më të madhe që nga fundi i Luftës së Ftohtë.
Që nga fillimi i ofensivës ruse në Ukrainë në fund të shkurtit, SHBA-ja ka futur disa paketa sanksionesh ekonomike kundër Moskës dhe ka ofruar ndihmë të konsiderueshme ushtarake për Kievin.
Javët e fundit, ambasada në Moskë ka udhëhequr përpjekjet për të siguruar lirimin e qytetarëve amerikanë të burgosur në Rusi, përfshirë basketbollisten Brittney Griner, e cila u dënua muajin e kaluar me nëntë vjet burg për “trafik droge”./RSE
Daçiqi zbulon frikën e Beogradit: Si t’i vendosim sanksione Rusisë kur na ndihmojnë ta mbajmë Kosovën të bllokuar në UN?! 
“Koha që Serbia të përballet me pasojat”: Brukseli ndryshon ton pas funeralit të Mlladiqit 
Mladiqi vdiq, por ideologjia e tij mbeti gjallë – gazetari britanik me analizë për Serbinë 
“Për një serb do të vrasim 100 myslimanë”, Stojkoviq i reagon Vuçiqit: Ti je ai që nxite gjenocidin, do duhej të ishe në Hagë me Mlladiqin 
Zvicra synon të ndërtojë një batalion ushtarak dronësh deri në vitin 2028, thotë ministria e Mbrojtjes 
NATO: KFOR ka nisur përshtatjen e pozicionimit dhe pranisë në terren pas përmirësimt të sigurisë në Kosovë