Kryeministrja e Serbisë, Ana Brnabiq ka synuar të ndryshojë mesazhin e rezolutës së Parlamentit Evropian mbi kritikat për ndërhyrjet në zgjedhjet e Serbisë. Kryeministrja serbe ka dezinformuar duke thënë se rezoluta e Parlamentit Evropian ka të bëjë me presion ndaj presidentit Aleksandar Vuçiq rreth Kosovës si dhe për votimin kundër për anëtarësimin e Kosovës në Këshillin e Evropës.
Një pretendim të tillë Brnabiq e ka dhënë në televizionin serb “TV Pink”.
Çka tha Brnabiq?
“Rezoluta e PE vazhdon presionin ndaj Serbisë, nuk ka të bëjë fare me zgjedhjet. Rezoluta është një formë presioni dhe një formë ndëshkimi për dy gjëra themelore, e para është se, siç thonë ata, po cenojmë kushtetutshmërinë e të ashtuquajturës Kosova dhe për çfarë ankohet Parlamenti Evropian dhe pse Aleksandar Vuçiq insistoi dhe vendosi që Serbia të votojë kundër të ashtuquajturit anëtarësim të Kosovës në Këshillin e Evropës, gjë që u kritikua edhe në rezolutën e Parlamentit Evropian në tetor 2023”, tha ajo për TV Pink.
Analiza:
Me këtë pretendim, Brnabiq dezinformon duke zhvendosjen e temës të cilën e ka Parlamenti Evropian për vjedhjen e votave në Serbi. Kjo mundohet të zhvendosë temën se po ndodh për shkak të Kosovës.
Parlamenti Evropian në rezolutën e tij për Serbinë “shpreh keqardhje për faktin që mangësi të shumta të rëndësishme dhanë një kontribut negativ në procesin zgjedhor; shpreh keqardhjen për abuzimin e institucioneve dhe mediave nga pushtetarët për të fituar një avantazh të padrejtë; shpreh keqardhjen për retorikën agresive parazgjedhore, paragjykimet në media, presionin ndaj punonjësve të sektorit publik dhe keqpërdorimin e burimeve publike, si dhe frikësimin dhe ngacmimin e aktivistëve civilë, LGBTI dhe mbrojtësve të tjerë të të drejtave të njeriut dhe gazetarëve; pret me padurim raportin përfundimtar të OSBE/ODIHR-it dhe rekomandimet për zgjedhjet e ardhshme, të cilat duhet të zbatohen sa më shpejt që të jetë e mundur dhe shumë përpara zgjedhjeve të ardhshme”.
Pra në asnjë pjesë rezoluta nuk përmendi as Kosovën dhe as Këshillin e Evropës, përveç se kërkon të zbatojë Marrëveshjen e Ohrit./G.Venhari-The Geopost/
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Portal Novosti shpërndan propagandë: Marrëveshja mediatike shpallet “pakt kundër serbëve” 
Mediumi serb manipulon për ushtarët amerikanë të KFOR-it: Nga interesi për ortodoksinë në pranim të fesë 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
MPJ e Rusisë shpërndan dezinformata për intervenimin e NATO-s në vitin 1999