Presidenti i Shteteve të Bashkuara, Donald Trump, ka deklaruar se lideri suprem i Iran, Ali Khamenei, është vrarë, përmes një postimi të publikuar në platformën e tij sociale, Truth Social.
Në reagimin e tij, Trump e cilësoi Khamenein si “një nga njerëzit më të këqij në histori”, duke thënë se vdekja e tij përbën “drejtësi jo vetëm për popullin iranian, por edhe për amerikanët dhe qytetarë nga shumë vende të botës” që, sipas tij, janë vrarë ose gjymtuar nga udhëheqja iraniane.
Trump pretendoi se operacioni ishte rezultat i “sistemeve shumë të sofistikuara të inteligjencës dhe gjurmimit” të SHBA-së, në bashkëpunim të ngushtë me Izrael, duke shtuar se Khamenei dhe “udhëheqës të tjerë” nuk kanë mundur t’i shmangen goditjes.
Presidenti amerikan e paraqiti këtë zhvillim si një “mundësi historike” për popullin iranian që, sipas tij, ta rimarrë kontrollin mbi vendin.
Ai deklaroi gjithashtu se po qarkullojnë informacione se pjesëtarë të IRGC-së, ushtrisë dhe forcave të sigurisë iraniane nuk dëshirojnë më të luftojnë dhe po kërkojnë imunitet.
“Nëse nuk veprojnë tani, më vonë do të përballen vetëm me vdekjen”, shkroi Trump, duke i bërë thirrje forcave të sigurisë iraniane që të bashkohen “në mënyrë paqësore” me atë që ai e quajti patriotë iranianë.
Në të njëjtin postim, Trump paralajmëroi se bombardimet “e rënda dhe të sakta” do të vazhdojnë gjatë ditëve në vijim, për aq kohë sa, sipas tij, të jetë e nevojshme për të arritur “paqen në të gjithë Lindjen e Mesme dhe në botë”.
Festë në Iran pas vrasjes së ajatollah Ali Khameneit
Sipas videove të publikuara nga llogaria Vahid Online, në mbrëmjen e së shtunës, shumë njerëz në Iran brohoritën dhe festuan pas raportimeve se Ali Khamenei, udhëheqësi suprem i republikës islamike, është vrarë.
Fillimisht kryeministri izraelit Benjamin Netanyahu foli për vdekjen e Khameneit, e pastaj presidenti amerikan, Donald Trump tha se Khamenei është vrarë në sulmet e së shtunës.
The Geopost
View this post on Instagram
Kallas: Rusia nuk do ta detyrojë Ukrainën të dorëzohet, Evropa do të vazhdojë ta mbështesë Kievin 
Dimri i egër në horizont: Ukrainasit përgatiten për më të keqen mes përshkallëzimit të fushatës ajrore ruse 
Rutte kërkon më shumë ndihmë ushtarake për Ukrainën: Aleatët duhet të forcojnë mbrojtjen ajrore 
Si i prishën sulmet e Ukrainës në qendrat e të dhënave taksitë, blerjet dhe bizneset në Rusi 
BE-ja po punon në shumë fronte për të kufizuar hyrjen ruse në shtetet anëtare 
Reuters zbardh synimet e Putinit para se të pranojë negociatat e paqes me Ukrainën