Skip to content
The Geopost

The Geopost

  • LAJME
  • FACT CHECKING
  • ANALIZA
  • INTERVISTA
  • BALKAN DISINFO
  • RRETH NESH
  • Botë

Rreth 350 mijë qytetarë protestojnë në Pragë kundër qeverisë së Babišit, frikë për pavarësinë e mediave publike

The Geopost November 16, 2026 2 min read
Share the news

Qindra mijëra qytetarë kanë protestuar në Pragë, kryeqytetin e Çekisë, kundër planeve të qeverisë së kryeministrit Andrej Babiš për ndryshimin e mënyrës së financimit të mediave publike, të cilat protestuesit i konsiderojnë kërcënim për pavarësinë e tyre.

Sipas organizatorëve, rreth 350 mijë persona morën pjesë në tubimin e mbajtur në hapësirën Letná, duke e shndërruar atë në një nga protestat më të mëdha në historinë e vendit.

Protesta u organizua nga lëvizja “Million Moments for Democracy”, e cila kundërshton planin e qeverisë për të hequr tarifën e detyrueshme që paguajnë qytetarët për financimin e Televizionit Çek dhe Radios Çeke.

Në vend të kësaj skeme, qeveria propozon që transmetuesit publikë të financohen drejtpërdrejt nga buxheti i shtetit.

Kundërshtarët e këtij propozimi paralajmërojnë se një ndryshim i tillë mund t’i bëjë mediat publike më të varura nga vendimet politike dhe të dobësojë pavarësinë e tyre editoriale.

Organizatorët e protestës kanë akuzuar qeverinë se po përpiqet të heshtë zërat kritikë dhe t’i trajtojë institucionet demokratike sikur të ishin pronë e saj.

“Po dëshmojmë diçka të jashtëzakonshme sot”, ka deklaruar për Associated Press organizatori kryesor i protestës, Mikuláš Minář.

Shqetësimet janë shtuar edhe për pasojat financiare të reformës. Sipas propozimit, buxhetet e televizionit dhe radios publike pritet të reduktohen me rreth 15 për qind.

Plani ka nxitur reagime edhe në nivel ndërkombëtar. Unioni Evropian i Transmetuesve (EBU), Federata Evropiane e Gazetarëve, Reporterët pa Kufij dhe Instituti Ndërkombëtar i Shtypit kanë kritikuar ndryshimet e propozuara, duke paralajmëruar për rrezikun e rritjes së ndikimit politik mbi transmetuesit publikë.

Nga ana tjetër, kryeministri Andrej Babiš ka hedhur poshtë akuzat se qeveria synon të marrë kontrollin mbi mediat publike.

Ai ka mohuar se ndryshimet do të ndikojnë në pavarësinë editoriale të tyre, duke siguruar se qeveria nuk do të ndërhyjë në përmbajtjen e programeve.

“Në asnjë rrethanë nuk do të ndërhyjmë në punën editoriale”, ka deklaruar Babiš.

Përplasja rreth financimit të mediave publike është shndërruar kështu në një nga çështjet kryesore politike në Çeki, ndërsa protestuesit kërkojnë që financimi dhe pavarësia e transmetuesve publikë të mbrohen nga ndikimi i drejtpërdrejtë i qeverisë.

The GeoPost

Pohled z dronu – Letná proti 4:36, za média veřejné služby. https://t.co/yrxARlIm28

— Michal Kubal 🇨🇿 (@MichalKubal) November 15, 2026

Tags: Çekia Praga

Continue Reading

Previous: Estonia mbyll të gjitha pikat kufitare me Rusinë, zbulon arsyen
Next: Bloomberg: SHBA ndryshon planet për Evropën, nuk do të tërheqë 25 mijë ushtarë

Propaganda ruse përmes muzikës së gjeneruar nga AI: Mbi 86 milionë dëgjime në platformat perëndimore 2 min read
  • Botë
  • News

Propaganda ruse përmes muzikës së gjeneruar nga AI: Mbi 86 milionë dëgjime në platformat perëndimore

The Geopost November 16, 2026
BE zbarkoi në cisternën e “flotës në hije ruse”, ajo lundronte nën flamur të rremë 2 min read
  • Botë

BE zbarkoi në cisternën e “flotës në hije ruse”, ajo lundronte nën flamur të rremë

The Geopost November 16, 2026
Bloomberg: SHBA ndryshon planet për Evropën, nuk do të tërheqë 25 mijë ushtarë 2 min read
  • Botë

Bloomberg: SHBA ndryshon planet për Evropën, nuk do të tërheqë 25 mijë ushtarë

The Geopost November 16, 2026
Estonia mbyll të gjitha pikat kufitare me Rusinë, zbulon arsyen 1 min read
  • Botë
  • News

Estonia mbyll të gjitha pikat kufitare me Rusinë, zbulon arsyen

The Geopost November 15, 2026
Macron: Ukraina ka vendin e merituar në NATO, ndërsa Putini nuk dëshiron negociata të vërteta 1 min read
  • Botë
  • News

Macron: Ukraina ka vendin e merituar në NATO, ndërsa Putini nuk dëshiron negociata të vërteta

The Geopost November 15, 2026
Forcat e BE-së ndalojnë një cisternë të dyshuar të flotës së fshehtë ruse në Mesdhe 2 min read
  • Botë
  • News

Forcat e BE-së ndalojnë një cisternë të dyshuar të flotës së fshehtë ruse në Mesdhe

The Geopost November 15, 2026

Përkthimi i përmbajtjeve në gjuhët tjera bëhet në mënyrë automatike dhe mund të ketë gabime!

  • [email protected]
  • +383-49-982-362
  • Str. Ardian Krasniqi, NN
  • 10000 Prishtina, KOSOVO
X-twitter Facebook

Corrections and denials

Copyright © The Geopost | Kreeti by AF themes.