Administrata e presidentit amerikan, Donald Trump, po shqyrton tërheqjen e rreth 5 mijë ushtarëve amerikanë nga Evropa, një reduktim që pritet të jetë më i vogël nga sa kishin frikë aleatët evropianë të NATO-s.
Lajmi është raportuar nga agjencia “Bloomberg”, sipas së cilës pjesa më e madhe e reduktimit të planifikuar të trupave amerikane do të prekë Gjermaninë.
Vendimi përfundimtar për numrin dhe vendndodhjen e trupave që do të tërhiqen pritet të merret nga presidenti Donald Trump, i cili vazhdimisht ka kritikuar vendet evropiane anëtare të NATO-s për mungesën e mbështetjes ndaj Shteteve të Bashkuara dhe Izraelit në luftën kundër Iranit.
Sipas raportimit, nënsekretari amerikan i Mbrojtjes për Çështjet e Politikave, Elbridge Colby, pritet t’i paraqesë sekretarit të Mbrojtjes, Pete Hegseth, një raport zyrtar lidhur me ndryshimet e propozuara në dislokimin e forcave amerikane në Evropë.
Ndërkohë, komandanti suprem i NATO-s për Evropën dhe njëkohësisht kreu i Komandës Evropiane të Ushtrisë Amerikane, gjenerali Alexus Grinkevich, i ka ofruar ekipit të Colbyt disa skenarë të mundshëm për riorganizimin e pranisë ushtarake amerikane në kontinent.
Këta skenarë i janë paraqitur ekipit në shtator, ndërsa procesi i shqyrtimit të tyre pritet të përfundojë në ditët në vijim.
Sipas “Bloomberg”, Hegseth pritet t’ia paraqesë rekomandimet përfundimtare presidentit Trump më 1 dhjetor, pas së cilës do të merret vendimi përfundimtar për tërheqjen e trupave.
Reduktimi i mundshëm vjen në një periudhë tensionesh mes administratës Trump dhe aleatëve evropianë, veçanërisht për ndarjen e përgjegjësive në kuadër të NATO-s dhe angazhimin e vendeve anëtare në çështjet e sigurisë ndërkombëtare.

Propaganda ruse përmes muzikës së gjeneruar nga AI: Mbi 86 milionë dëgjime në platformat perëndimore
BE zbarkoi në cisternën e “flotës në hije ruse”, ajo lundronte nën flamur të rremë
Rreth 350 mijë qytetarë protestojnë në Pragë kundër qeverisë së Babišit, frikë për pavarësinë e mediave publike
Estonia mbyll të gjitha pikat kufitare me Rusinë, zbulon arsyen
Macron: Ukraina ka vendin e merituar në NATO, ndërsa Putini nuk dëshiron negociata të vërteta
Forcat e BE-së ndalojnë një cisternë të dyshuar të flotës së fshehtë ruse në Mesdhe