Presidenti i Serbisë, Aleksandar Vuçiq, ka zhvilluar një takim me drejtorin e korporatës shtetërore ruse të energjisë bërthamore Rosatom, Aleksej Lihaçev, duke paralajmëruar thellimin e bashkëpunimit në fushën e teknologjisë bërthamore.
Sipas njoftimit të publikuar nga Vuçiq në rrjetet sociale, palët kanë diskutuar për aplikimin e teknologjisë bërthamore në farmaci, shëndetësi dhe prodhimin e energjisë elektrike, si dhe për përfshirjen e kompanive serbe në projekte të përbashkëta në vende të treta.
Takimi vjen në një moment kur Bashkimi Evropian po redukton me shpejtësi varësinë energjetike dhe politike nga Kremlini, ndërsa strukturat shtetërore ruse përballen me sanksione të ashpra perëndimore.
View this post on Instagram
Në këtë kontekst, sinjali nga Beogradi shihet si një devijim nga linja e harmonizimit me politikat energjetike evropiane.
Rosatom konsiderohet një instrument kyç i ndikimit gjeopolitik rus, ndërsa projektet bërthamore nënkuptojnë varësi afatgjata teknologjike, financiare dhe politike.
Ekspertët vërejnë se Serbia aktualisht nuk ka infrastrukturë bërthamore funksionale dhe as një strategji publike të qartë për zhvillimin e këtij sektori.
Megjithatë, hapja e bisedimeve me korporatën shtetërore ruse në një fushë kaq të ndjeshme të sigurisë energjetike ngre pikëpyetje mbi orientimin strategjik të Serbisë, e cila formalisht mbetet vend kandidat për anëtarësim në BE.
The Geopost.
Kryeministri sllovak largohet para kohe nga samiti i BE-së për të mbështetur Vuçiqin në tubimin e SNS-së 
Konjufca flet për median hungareze, paralajmëron për rrezikun e një përballjeje të re të armatosur me Serbinë 
Eksperti i sigurisë: Serbia është Rusia e vogël, siguria e Ballkanit kërcënohet nga ndikimi rus 
Bieber zbërthen regjimin e Vuçiqit: Pushteti i tij mbështetet te korrupsioni dhe lidhjet me krimin e organizuar 
Dyshime se mund të ketë manipulime, Parlamenti Evropian emëron vëzhgues për zgjedhjet në Serbi 
Dosja e përgjimeve: Vuçiq i lidhur me bosin e drogës, dha garanci edhe për lirimin e tij nga burgu