Maturantët serbë në pjesën veriore të Mitrovicë kanë organizuar defilenë tradicionale të fundvitit shkollor, e cila u shoqërua me muzikë, ndezje të flakadanëve dhe shfaqje simbolesh nacionaliste.
Nxënësit e njërit prej gjimnazeve në veri të qytetit parakaluan nëpër rrugët kryesore të Mitrovicës së Veriut, ndërsa gjatë festimeve u panë flamuj serbë dhe rusë të valëvitur nga pjesëmarrësit.
Manifestimi u mbajt në Sheshin “Knez Lazar”, ku maturantët festuan nën tingujt e trumbetave dhe muzikës festive. Në mesin e simboleve të ekspozuara është vërejtur edhe një flamur rus me ikonën e Jezu Krishtit, gjë që tërhoqi vëmendje gjatë organizimit të aktivitetit.
Atmosfera u karakterizua nga ndezja e flakadanëve dhe grumbullimi i një numri të madh të të rinjve, ndërsa qytetarë të shumtë ndoqën defilenë përgjatë rrugëve të veriut të qytetit.
Sipas raportimeve të KoSSev, aktiviteti u zhvillua në kuadër të festimeve tradicionale të maturës në veri të Mitrovicës, të cilat organizohen çdo vit nga maturantët serbë.
Ngjarja vjen në një kohë kur situata politike dhe simbolika nacionaliste në veri të Kosovës vazhdojnë të mbeten tema të ndjeshme në opinionin publik dhe në raportet ndërmjet Kosovës dhe Serbisë.
The GeoPost
View this post on Instagram
Stefanoviq: Opozita duhej t’i hapte rrugë Listës së Studentëve përballë regjimit të Vuçiqit 
Kosova diskuton me SHBA-në blerjen e helikopterëve Black Hawk 
Deputeti kroat: Kosova është shtet sovran dhe i pavarur – në Serbi ka çetnikizëm, të gjithë janë njësoj 
“Albanians for America” i bën thirrje SHBA-së dhe BE-së të kërkojnë drejtësi për Banjskën 
Kamberi: Serbia ndan qindra miliona euro për serbët në Kosovë pa transparencë, ndërsa bllokon fondet për shqiptarët e Luginës 
“Një milion votues më shumë se banorë”, demokratët evropianë kërkojnë verifikimin e listave zgjedhore në Serbi