Drejtori i Institutit për Studime të Luftës Hibride “Octopus”, Arben Fetoshi, e ka quajtur konfirmim të shtrimit të rrugës së paqes nga BE në Ballkanin Perëndimor rezolutën e kongresistëve amerikanë për anëtarësimin e Kosovës në NATO.
“Përballë kërcënimeve hibride nga Serbia dhe ndikimit potencial të Rusisë në Ballkan, Kosova në NATO është zgjidhja më e sigurt. Është neutralizim i burimit të destabilizimit, që provokon me qëllime hegjemoniste të ‘Botës Serbe’. Pas Aktit Autorizues të Mbrojtjes Kombëtare (NDAA), Ligjit për Vlerësimin e Diskriminimit në Luginën e Preshevës (PVDAA) dhe vendimit për FSK-në në Forcën Stabilizuese Ndërkombëtare, rezoluta përfaqëson ‘hartën e rrugës’ drejt paqes së qëndrueshme në Ballkan”, ka shkruar Fetoshi në Facebook.
Fetoshi ka vlerësuar se, në kontekstin aktual gjeopolitik, SHBA-të po i tregojnë BE-së se paqartësia vetëm sa krijon terren për ambiciet revizioniste të Putinit.
“Pra, Kosova në NATO nuk është vetëm aspiratë kombëtare, por edhe instrument parandalues, që eliminon kalkulimet destabilizuese të Serbisë dhe mbyll hapësirën e ndikimit rus në Ballkan”, ka thënë ai.
PPE nis procedurat kundër SNS-së: Vuçiqi ka luajtur mjaft në të dyja anët 
FSK njofton për ushtrime të përbashkëta me ushtrinë nga Amerika, Kroacia dhe Shqipëria 
Varreza masive në Zubin Potok, konfirmohet identiteti i tri viktimave – i përkasin “Grupit të Intelektualëve” 
Trump e nënshkruan ligjin për sanksione ndaj Rusisë e Iranit, shton mjete të reja për trysni 
Franca dhe Zvicra ndërmarrin masa për t’iu kundërvënë kërcënimeve hibride ruse 
Media ruse e serbe paraqesin rrejshëm protestën në Tiranë si “trazira” për shkak të dënimit të ish-krerëve të UÇK-së