Alarmi për “veprim hibrid”: Policia e Malit të Zi bllokon në aeroport dhe dëbon 90 persona të ardhur nga Beogradi

Forca të shumta policore kanë rrethuar dhe marrë nën kontroll Aeroportin e Tivatit në Mali i Zi, pasi një fluturim charter nga Beogradi me rreth 90 persona është ndaluar menjëherë pas uljes.

Sipas raportimit të gazetës malazeze “Vijesti”, autoritetet e sigurisë së Mali i Zi nuk kanë lejuar hyrjen e pasagjerëve, duke dyshuar për “veprim hibrid” dhe rrezikim të sigurisë kombëtare. Si pasojë, është marrë vendimi që të gjithë personat të kthehen mbrapsht në Serbia.

Grupi, i cili kishte mbërritur në Aeroportin e Tivatit me një avion të kompanisë Air Serbia, raportohet se përbëhej nga persona që në dosjet policore figurojnë si “persona me interes për sigurinë” dhe me të kaluar kriminale. Gjatë kontrollit kufitar, disa prej tyre kanë refuzuar të japin sqarime për qëllimin e vizitës në vend.

Sipas burimeve të cituara nga “Vijesti”, shërbimet e sigurisë dyshojnë se këta individë mund të ishin angazhuar për të ofruar një formë “sigurie joformale” për presidentin e Serbisë, Aleksandar Vučić, i cili pritet të marrë pjesë në një samit të Bashkimit Evropian dhe Ballkanit Perëndimor në Tivat.

Autoritetet policore malazeze kanë konfirmuar se hyrja e tyre është ndaluar dhe se kthimi do të realizohet me fluturimin e parë të disponueshëm. Avioni i tipit Embraer E195, sipas raportimeve, është mbajtur për disa orë në pistë gjatë procedurave të verifikimit.

Drejtoria e Policisë së Mali i Zi ka deklaruar se masa është ndërmarrë në kuadër të forcimit të sigurisë gjatë samitit të liderëve të BE-së dhe Ballkanit Perëndimor.

The GeoPost