Serbia me mbështetjen më të ulët për anëtarësim në BE në Ballkanin Perëndimor

Serbia ka shënuar nivelin më të ulët të mbështetjes publike për anëtarësim në Bashkimin Evropian krahasuar me vendet e tjera të Ballkanit Perëndimor.

Sipas të dhënave të publikuara nga Komisioni Evropian, vetëm 31 për qind e qytetarëve në Serbia mbështesin integrimin e vendit në BE.

Ky nivel mbështetjeje e vendos Serbinë dukshëm pas vendeve të tjera të rajonit, ku shumica e qytetarëve vazhdojnë ta shohin anëtarësimin në Bashkimin Evropian si një objektiv strategjik.

Në krye të listës renditet Shqipëria me 92 për qind mbështetje për integrimin evropian, ndërsa Kosova zë vendin e dytë me 83 për qind.

Sipas vlerësimit të Komisionit Evropian, qytetarët e vendeve aspirante e konsiderojnë zgjerimin e Bashkimit Evropian si një investim për të ardhmen.

Ata e lidhin procesin e integrimit me forcimin e paqes dhe sigurisë, krijimin e mundësive ekonomike dhe përmirësimin e perspektivës për brezat e rinj.

Të dhënat pasqyrojnë dallime të dukshme në perceptimin e qytetarëve të rajonit ndaj procesit të integrimit evropian, me Serbinë që mbetet vendi ku skepticizmi ndaj anëtarësimit në BE është më i lartë në krahasim me fqinjët e saj të Ballkanit Perëndimor.