Policia e Kosovës ka konfiskuar katër armë të gjata gjatë bastisjeve të kryera në dy lokacione në komunën e Zubin Potokut, në kuadër të hetimeve për një rast kanosjeje ndaj ministrit të Punëve të Brendshme, Xhelal Sveçla.
Sipas policisë, pas pranimit të informacioneve lidhur me kanosjen e ndodhur ditë më parë, janë ndërmarrë veprime hetimore që kanë çuar në bastisjen e dy lokacioneve në veri të vendit.
Gjatë kontrollit, në njërin lokacion janë gjetur tri armë të gjata, ndërsa në tjetrin një armë. Dy prej armëve posedoheshin me leje, ndërsa dy të tjera pa leje.
Policia njofton se i dyshuari për kanosjen është një mashkull kosovar i nacionalitetit serb, i cili dyshohet se aktualisht ndodhet jashtë vendit.
Armët janë sekuestruar nga njësitet relevante policore, ndërsa hetimet për rastin po vazhdojnë në koordinim me organet e drejtësisë.
“‘Tigri prej letre’ i Vuçiqit”, avokati Niniq: Rasti i Tivatit ishte organizuar komplet nga presidenti serb 
Vuçiq, masha politike e Pekinit në Ballkan 
Zgjedhjet në Kosovë: KQZ ndalon votimin me dokumente të Serbisë në Graçanicë 
Komisioni Europian thotë se rritja e numrit të rusëve me shtetësi serbe përbën rrezik potencial sigurie për BE-në 
Kos paralajmëron Serbinë: Sundimi i ligjit dhe zgjedhjet e lira mbeten test kyç për BE-në 
Gjermania rrit investimet ushtarake përballë kërcënimit rus