Gjermania do të intensifikojë përpjekjet për forcimin e kapaciteteve të saj ushtarake dhe përshpejtimin e investimeve në mbrojtje, mes shqetësimeve të vazhdueshme për kërcënimin që, sipas Berlinit, paraqet Rusia.
Kështu deklaroi ministri gjerman i Mbrojtjes, Boris Pistorius, gjatë aktiviteteve të Ditës së Forcave të Armatosura Gjermane në Neubiberg.
Pistorius theksoi se situata aktuale e sigurisë e detyron Gjermaninë të rrisë shpenzimet ushtarake dhe të përshpejtojë proceset e prokurimit të pajisjeve mbrojtëse.
Sipas tij, ushtarët gjermanë meritojnë teknologjinë dhe trajnimet më të mira për të garantuar aftësinë parandaluese të Bundeswehr-it dhe për të mbrojtur vendin në rast nevoje.
Ministri gjerman nënvizoi gjithashtu se Berlini synon të luajë një rol kyç në forcimin e kapaciteteve të NATO-s në Evropë.
Ai tha se qeveria po punon për të siguruar që fondet e mbrojtjes të përdoren në mënyrë sa më efikase dhe të shpejtë, me synimin që Gjermania, si partneri më i madh evropian i aleancës, të kontribuojë në mënyrë vendimtare në aftësitë mbrojtëse të NATO-s.
Nga udhëheqësit shtetërorë dhe të kishës te ‘Ujqërit e Natës’: Kush ishte në funeralin e Ratko Mlladiqit? (FOTO) 
Finlanda përfundon 200 kilometrat e murit përgjatë kufirit me Rusinë 
Polonia kërkon dëbimin e diplomatëve rusë nga BE-ja: Janë të përfshirë në sabotim dhe aktivitete terroriste 
Beogradi i dha lamtumirën Mlladiqit me nderime ushtarake: Mijëra njerëz në varrimin e kriminelit të dënuar të luftës 
Zgjedhjet pa zgjidhje: Kur Serbia lufton për të gjitha, përveç të ardhmës së saj 
Kushner dhe Witkoff paralajmërojnë fazë të re në bisedimet për paqe në Ukrainë