Në një kohë kur bota demokratike po distancohet qartë nga regjimi i Kremlinit, lideri i SNSD-së Milorad Dodik dhe ministrja Zheljka Budimir e shfrytëzuan sërish vizitën në Moskë për ta pozicionuar Republikën Srpska si një fortesë ruse në Ballkan.
Delegacioni nga Banja Luka, në të ashtuquajturin “Forum Ndërkombëtar për Siguri” në Moskë, demonstroi edhe një herë dezorientimin e plotë në politikën e jashtme.
Dodik u takua atje me Sergej Shoigun, sekretarin aktual të Këshillit të Sigurisë së Rusisë, nga i cili mori edhe një tjetër premtim protokollar për “mbështetje gjithëpërfshirëse politike”.
Shoigu e shfrytëzoi rastin për ta falënderuar Dodikun që më 9 maj mori pjesë në paradën ushtarake në Moskë, me çka lideri i SNSD-së konfirmoi edhe një herë rolin e njërit prej zyrtarëve të rrallë evropianë që pranojnë të jenë pionë në teatrin propagandistik të Kremlinit.
Dodik deklaroi para publikut në Moskë se populli serb “orientohet drejt popullit vëllazëror rus”, duke pretenduar se Rusia kinse zhvillon “një politikë të qëndrueshme dhe të drejtë që u lë hapësirë shteteve të vogla”.
Ndërsa Dodik pretendon se populli serb “zgjedh anën”, politika e tij aktuale po zgjedh anën që është e izoluar nga i gjithë kontinenti evropian, të cilit Republika Srpska i përket gjeografikisht dhe ekonomikisht.
/The Geopost/
Dyshime se mund të ketë manipulime, Parlamenti Evropian emëron vëzhgues për zgjedhjet në Serbi 
Ukraina do të rifillojë sulmet ndaj rafinerive ruse të naftës, thotë Zelensky 
Kallas: Rusia nuk do ta detyrojë Ukrainën të dorëzohet, Evropa do të vazhdojë ta mbështesë Kievin 
BE-ja jep edhe 2.86 miliardë euro për të mbuluar ‘nevojat më urgjente’ të Ukrainës – dronë dhe raketa 
Diplomati rus i dëbuar nga Bullgaria shfaqet në Serbi 
Çerimagiq: Përmes Vulinit, Serbia promovon mbështetjen ruse për Vuçiqin dhe projektin e “Botës Serbe”