Policia e Kosovës ka njoftuar se është duke hetuar një kanosje ndaj kryeministrit të Kosovës, Albin Kurti, e publikuar në rrjetet sociale nga profili “Severna Brigada”, organizatë e shpallur terroriste nga institucionet e Kosovës.
Sipas njoftimit zyrtar, Drejtoria për Hetimin e Krimit të Organizuar dhe Krimeve të Rënda ka pranuar më 8 maj 2026 informacionin lidhur me kërcënimin, ndërsa menjëherë pas kësaj janë ndërmarrë veprime intensive hetimore në koordinim me Prokuroria Speciale e Republikës së Kosovës dhe me mbështetjen e Drejtorisë për Hetimin e Krimeve Kibernetike.
“Është konstatuar se kanosja është publikuar përmes llogarisë facebook.com/severna.brigada.2025”, thuhet në njoftimin e Policisë së Kosovës.
Autoritetet kanë bërë të ditur se, bazuar në hetimet fillestare dhe të dhënat e siguruara nga njësitë kompetente, postimi dyshohet se është bërë nga territori i Serbisë, konkretisht nga qyteti i Kraljevo.
Policia ka njoftuar gjithashtu se janë identifikuar IP-adresa e përdorur për publikimin e kërcënimit, si dhe të dhënat personale të përdorura gjatë regjistrimit të profilit në rrjetin social.
Sipas autoriteteve, analizat e kryera nga njësitë përkatëse kanë nxjerrë edhe të dhëna shtesë që mund të ndihmojnë në vazhdimin e hetimeve nga Policia e Kosovës dhe Prokuroria Speciale.
Institucionet e sigurisë nuk kanë dhënë detaje të tjera lidhur me përmbajtjen e kanosjes apo identitetin e personave të dyshuar, ndërsa hetimet për rastin janë duke vazhduar.
The Geopost
Rasti i “topit zanor” vazhdon të ndjekë Serbinë, BE kërkon llogaridhënie 
“Zgjedhjet, dhuna dhe liria e shprehjes”, Këshilli i Evropës alarmon për demokracinë në Serbi 
“Pa nënshkrim dhe vulë”: Si manipuloi regjimi i Vuçiqit raportin rus për “topin zanor” 
Akuza të ashpra nga Beogradi: Petkoviqi mbron Radoiçiqin, akuzon Kurtin 
YIHR: Serbia mohoi mbi 110 herë krimet e luftës – përfshirë masakrën e Reçakut, Srebrenicën dhe rrethimin e Sarajevës 
Serbia me mbështetjen më të ulët për anëtarësim në BE në Ballkanin Perëndimor