Skip to content
The Geopost

The Geopost

  • LAJME
  • FACT CHECKING
  • ANALIZA
  • INTERVISTA
  • BALKAN DISINFO
  • RRETH NESH
  • Ballkan

Serbia vë pengesa për vizita të shtetasve kosovarë që i mban në paraburgim

The Geopost May 4, 2026 2 min read
Share the news

Dy shqiptarë e dy serbë nga Kosova po mbahen të paraburgosur prej muajsh në Serbi.

Beogradi zyrtar ka vënë pengesa për realizimin e vizitave tek ta. E, në Ministrinë e Punëve të Jashtme kanë bërë të ditur se janë ankuar te ndërkombëtarët për këtë.

Katër shtetas të Kosovës ndodhen ende në paraburgim në Serbi: dy shqiptarë nën pretendimin se kanë kryer krime lufte e dy serbë akuzohen për spiunazh.

Lulzim Halili është në paraburgim që nga korriku i 2025-ës, dhe është arrestuar ndonëse prej kohësh ka jetuar në Serbi dhe ka kryer punë ndërtimore. Krahas tij, që nga gushti i vjetëm është në paraburgim edhe Behar Preniqi.

Mediumi Koha mëson në Ministrinë e Punëve të Jashtme kanë thënë se Serbia nuk ia ka lejuar zyrtarëve të Zyrës Ndërlidhëse të Kosovës në Serbi asnjë vizitë te Sasha Gjorgjeviqi që është arrestuar në korrik të 2025-s e as te Milan Vukanshinoviqi, që ndodhet në paraburgim që nga nëntori kur nga persona të panjohur është rrëmbyer në fshatin Jellakcë në Kosovë, dhe është dërguar në territorin e Serbisë.

Zyra Ndërlidhëse e Republikës së Kosovës e ka konfirmuar se ka kërkuar leje për t’i vizituar të paraburgosurit, por vizitat i janë pamundësuar në disa raste.

“Në këto raste, janë ndërmarrë veprime të vazhdueshme për të garantuar respektimin e të drejtave të tyre, përfshirë edhe të drejtën për vizita. Në rastet kur janë hasur pengesa, ato janë adresuar përmes kanaleve zyrtare diplomatike”, thuhet në përgjigjen e Ministrisë së Punëve të Jashtme dhe Diasporës.

Për pengimin e vizitave e edhe për trajtimin e shtetasve të Kosovës në paraburgim, Ministria u është drejtuar edhe ndërkombëtarëve.

“Çështja e trajtimit të shtetasve të Republikës së Kosovës në paraburgim në Serbi është ngritur në vazhdimësi në komunikimet me partnerët ndërkombëtarë dhe mekanizmat relevantë, me qëllim sigurimin e mbrojtjes së të drejtave të tyre në përputhje me standardet ndërkombëtare”, thuhet në përgjigjen e MPJD-së.

Muajin e kaluar, është liruar nga paraburgimi Mit’hat Llozhani, i cili është në mesin e shumë shqiptarëve që është arrestuar duke shfrytëzuar rrugët nëpër Serbi për të udhëtuar në shtete të BE-së.

Ministria e Punëve të Jashtme u ka bërë thirrje vazhdimisht shtetasve të Kosovës të mos udhëtojnë nëpër territorin e Serbisë, shkaku i ndalimeve e arrestimeve arbitrare dhe në kundërshtim me të drejtat e njeriut.

Tags: Serbia

Continue Reading

Previous: Arkitektura e propagandës në Serbi: Vetëm Vuçiq, kudo Vuçiq
Next: I kërkuar për rastin e Banjskës, pasuri milionëshe në Serbi – Kush është Radulle Steviq?

Raporti i Gallupit për 2025-ën: Kosova, ndër vendet më të sigurta në Evropë 1 min read
  • Ballkan

Raporti i Gallupit për 2025-ën: Kosova, ndër vendet më të sigurta në Evropë

The Geopost November 19, 2026
Stojkoviq reagon ndaj drejtësisë serbe për Radoiçiqin: E lanë të lirë terroristin, gjyqtarët dhe prokurorët shkelën ligjin për ta mbrojtur atë 3 min read
  • Ballkan

Stojkoviq reagon ndaj drejtësisë serbe për Radoiçiqin: E lanë të lirë terroristin, gjyqtarët dhe prokurorët shkelën ligjin për ta mbrojtur atë

The Geopost November 19, 2026
Partia Popullore Evropiane do të propozojë pezullimin e partisë së Vuçiqit 3 min read
  • Ballkan

Partia Popullore Evropiane do të propozojë pezullimin e partisë së Vuçiqit

The Geopost November 19, 2026
Kënga nacionaliste serbe në Bruksel, eurodeputeti belg ia kujton Marta Kos-it krimet e Millosheviqit në Kosovë 3 min read
  • Ballkan

Kënga nacionaliste serbe në Bruksel, eurodeputeti belg ia kujton Marta Kos-it krimet e Millosheviqit në Kosovë

The Geopost November 19, 2026
“Serbia nuk i sanksionon rusët dhe vazhdon linjën nacionaliste ndaj Kosovës”, Martens kërkon distancim nga Beogradi 3 min read
  • Ballkan

“Serbia nuk i sanksionon rusët dhe vazhdon linjën nacionaliste ndaj Kosovës”, Martens kërkon distancim nga Beogradi

The Geopost November 19, 2026
SHBA-ja miraton shitjen e dy sistemeve HIMARS për Shqipërinë 2 min read
  • Ballkan

SHBA-ja miraton shitjen e dy sistemeve HIMARS për Shqipërinë

The Geopost November 18, 2026

Përkthimi i përmbajtjeve në gjuhët tjera bëhet në mënyrë automatike dhe mund të ketë gabime!

  • [email protected]
  • +383-49-982-362
  • Str. Ardian Krasniqi, NN
  • 10000 Prishtina, KOSOVO
X-twitter Facebook

Corrections and denials

Copyright © The Geopost | Kreeti by AF themes.