Forca e Sigurisë së Kosovës (FSK) ka njoftuar se një ekip i saj ka udhëtuar drejt Gazës për të realizuar rikonicionin e zonës ku pritet të operojnë edhe pjesëtarë e FSK-së në kuadër të misionit paqeruajtës ndërkombëtar.
Sipas një njoftimi në Facebook, komandanti i FSK-së, gjenerallejtënant Bashkim Jashari, e ka dërguar një ekip me qëllim vlerësimin paraprak të terrenit dhe koordinimin e aktiviteteve të dislokimit të kontingjentit të FSK-së në kuadër të Forcave Stabilizuese Ndërkombëtare (ISF) në Gaza.
Bëhet e ditur se gjatë vizitës, delegacioni ka zhvilluar takime me autoritetet përgjegjëse për administrimin e Gazës, si dhe me përfaqësues të Qendrës Koordinuese Civilo-Ushtarake (CMCC), e cila funksionon nën mbikëqyrjen e Bordit të Paqes, në përputhje me Rezolutën 2803 të OKB-së.
Në këto takime është diskutuar për integrimin e kontingjentit të FSK-së, zhvillimin e operacioneve të përbashkëta dhe koordinimin e mbështetjes logjistike për misionin.
FSK ka ritheksuar përkushtimin e saj për të kontribuar në paqe dhe stabilitet global, në bashkëpunim me aleatët ndërkombëtarë, veçanërisht me Shtetet e Bashkuara të Amerikës.
Konakoviq alarmon Perëndimin pas nderimeve për Mladiqin në Serbi: Veproni para se të jetë vonë 
Kompania Anthropic e pengon Iranin të përdorë modelin Claude për propagandë dhe spiunazh 
OKB paralajmëron se Ukraina mund të përballet me dimrin më të vështirë të luftës deri më tani 
Një raund i ri bisedimesh për paqe mund të zhvillohet në fillim të tetorit – thotë Budanov i Ukrainës 
Zelensky i gatshëm për takim me Putinin në samitin e G20-ës në Miami 
Trump: Lufta me Iranin do të përfundojë shumë shpejt