Universiteti i Beogradit i është drejtuar me një apel urgjent institucioneve evropiane, duke shprehur shqetësim për arrestimet e fundit të studentëve në Beograd, të cilat i cilëson si pjesë të një presioni në rritje ndaj komunitetit akademik dhe një përpjekje për të shtypur protestat studentore.
Sipas dokumentit të publikuar, më 3 prill policia serbe ka zhvilluar një operacion “nga dera te dera”, vetëm një ditë para shënimit të Ditës së Studentit. Studentët që kanë bllokuar institucionet e arsimit të lartë raportojnë se disa prej kolegëve të tyre janë shoqëruar nga policia që në mbrëmjen paraprake, në shtëpitë e tyre.
Universiteti e konsideron këtë zhvillim si pjesë të një presioni më të gjerë ndaj akademisë, duke përmendur edhe incidente të mëparshme.
Mes tyre janë hyrja e policisë në Rektorat më 31 mars pa paralajmërim, si dhe protestat e qytetarëve dhe studentëve po atë ditë, gjatë të cilave, sipas pjesëmarrësve, është përdorur dhunë.
Protestat studentore në Serbi kanë vazhduar për rreth 15 muaj, me kërkesa për përgjegjësi lidhur me tragjedinë në Novi Sad, ku 16 persona humbën jetën pas rrëzimit të një çatie në stacionin hekurudhor.
Sipas raportimeve të cituara nga universiteti, në vend të përgjigjeve institucionale, studentët janë përballur me denoncime, presione dhe arrestime.
Rektori Vladan Dokiq reagoi ashpër ndaj zhvillimeve të fundit.
“Me arrestimin e studentëve para Ditës së Studentit të nesërme është shkruar fjalia e fundit e historisë së këtij regjimi që përballet me Universitetin. Çdo studenti që u arrestua sot i them – nuk je vetëm, Universiteti qëndron pranë teje, profesorët dhe kolegët tuaj qëndrojnë pranë jush. Çdo mjet ligjor që ka ky Universitet do të vendoset në dispozicionin tuaj për mbrojtjen tuaj.”
Në njoftim theksohet se të arrestuarit janë “fëmijët e këtij vendi që për 15 muaj kanë protestuar paqësisht”, ndërsa dërgohet mesazhi se “për këtë nuk arrestohesh, për këtë falënderohesh”.
Njëkohësisht, universiteti u ka bërë thirrje Komisioni Evropian, Parlamenti Evropian dhe Këshilli i Evropës që të reagojnë menjëherë, të dënojnë arrestimet dhe të shqyrtojnë gjendjen e lirisë akademike dhe të drejtave qytetare në Serbi./TheGeopost
Serbia kopjon Rusinë dhe Irani për të gjurmuar disidentët – akuzohet për përdorim të softuerëve për njohjen e fytyrës 
Poroshenko: Tani është koha për ta detyruar Putinin të bëjë paqe 
Mediat ruse dezinformojnë rreth Rezolutës së kongresistëve amerikanë për mbështetjen e anëtarësimit të Kosovës në NATO 
Studentët në Serbi: Nga protestat kundër qeverisë te narrativat nacionaliste për Kosovën 
Britania, SHBA-ja dhe Australia në projektin e droneve nënujorë për të thelluar partneritetin mbrojtës të AUKUS-it 
Sipas raportit të BE-së për Serbinë: Korrupsioni nuk po dobësohet, presioni mbi median po rritet