Presidenti i Bjellorusisë, Aleksandër Lukashenko ka deklaruar se pothuajse në çdo takim me presidentin e Rusisë, Vladimir Putin, ai flet për Ballkanin, e me këtë edhe për Serbinë.
“Situata në Ballkan është shpesh tema e takimeve tona me presidentin rus Vladimir Putin”, tha Lukashenko gjatë një takimi me presidentin e grupit parlamentar të miqësisë me Bjellorusinë në Parlamentin serb, Dragomir Kariq.
Ai shtoi se Serbia ishte dhe mbetet bastioni i sllavëve në Ballkan.
“Më duhet t’ju them se unë flas për Ballkanin pothuajse në çdo takim me Presidentin Putin. Dhe kë e kemi ne në Ballkan? Ashtu është, ne kemi Serbinë. Ajo ka qenë gjithmonë një bastion i sllavëve në Ballkan. Është edhe sot. Ne shpesh flasim për problemet me të cilat po përballeni. Jemi të përkushtuar për një bashkëpunim shumë të mirë”, tha kreu i shtetit bjellorus.
Sipas agjencisë bjelloruse të lajmeve “Belta”, gjatë takimit me Kariqin, Lukashenko ka deklaruar se presidenti i Serbisë, Aleksandar Vuçiq ka qenë i vetëdijshëm për këtë dhe ka kujtuar takimin e fundit mes Vuçiqit dhe Putinit në Soçi.
“Putin vlerëson shumë njerëzit tek të cilët mund të mbështetet. Shpesh flasim për Serbinë”, ka shtuar ai.
Serbia dhe Uzbekistani paralajmërojnë bashkëpunim për raketa, analisti ngre pikëpyetje për interesat ruse 
Von der Leyen pas varrimit të Mlladiqit: Vendet që lavdërojnë kriminelët e luftës nuk kanë vend në BE 
Sikorsky: Pasuria e ngrirë ruse nuk do t’i kthehet Moskës 
Parti e re proruse në Serbi, kërkon braktisjen e BE-së dhe forcimin e ndikimit të Moskës 
Uashingtoni ashpërson mesazhet ndaj Serbisë, Kongresi e paralajmëron për Rusinë, Kinën dhe glorifikimin e Mlladiqit 
Brukseli ashpërson tonin ndaj Beogradit: Parlamenti Evropian kërkon ndryshim të qasjes ndaj Vuçiqit