Photo: AP
Burrat ishin të përfshirë në një komplot për t’i vënë zjarrin një depoje në Londrën Lindore në mars të vitit 2024 që strehonte ndihma humanitare dhe pajisje satelitore Starlink të destinuara për Ukrainën.
Një gjykatës në Mbretërinë e Bashkuar dënoi pesë burra të premten për përfshirjen e tyre në një sulm zjarrvënieje në Londër që autoritetet thanë se ishte planifikuar nga inteligjenca ruse si pjesë e një fushate më të gjerë sabotimi dhe përçarjeje.
Dënimet varionin nga shtatë deri në 17 vjet burg.
Burrat ishin të përfshirë në një komplot për t’i vënë zjarrin një depoje në Londrën Lindore në mars 2024 që strehonte ndihma humanitare dhe pajisje satelitore Starlink për Ukrainën.
Prokurorët britanikë thanë se zjarrvënia, e organizuar në emër të grupit paramilitar Wagner, ishte e lidhur ngushtë me shtetin rus dhe ka të ngjarë të lidhej me një sulm tjetër zjarrvënieje në një depo në Spanjë.
Një burrë tjetër u dënua për moszbulimin e informacionit në lidhje me një komplot për t’i vënë zjarrin një restoranti në Londër.
Një burrë tjetër është dënuar për moszbulimin e informacionit në lidhje me një plan për t’i vënë flakën një restoranti në Londër.
Zjarri është një nga të paktën 25 sulmet me zjarrvënie ose me eksploziv në të gjithë Evropën që zyrtarët perëndimorë i kanë lidhur me Rusinë dhe që Associated Press i ka dokumentuar që kur Moska nisi pushtimin e saj në shkallë të gjerë të Ukrainës në vitin 2022.
“Ky krim ishte një nga një seri aktesh sabotimi pan-evropiane”, tha prokurori Duncan Penny.
Veprimet e Dylan Earl, britanikut që organizoi zjarrvënien, përbënin një “fushatë të vazhdueshme terrorizmi dhe sabotimi në tokën britanike, të kryer në mbështetje të një fuqie të huaj – Federatës Ruse – dhe luftës së saj të agresionit kundër Ukrainës”, tha Penny.
Dënimet ishin të parat e dhëna nga një gjykatë britanike për shkelje të Aktit të Sigurisë Kombëtare, të miratuar në vitin 2023 për të luftuar kërcënimet e huaja si spiunazhi dhe sabotimi.
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999