Një operacion policor u zhvillua të dielën e 19 tetorit në Zveçan. Lidhur me të, u aktivizua Serbia me narrativat e saj kundër Kosovës.
Por, Prokuroria Speciale e Kosovës, e cila edhe njoftoi për operacionin, tha se i njëjti kishte të bënte me hetimin lidhur me vrasjen e një zyrtari të Misionit të Bashkimit Evropian për Sundim të Ligjit në Kosovë (EULEX) më 2013.
“Gjatë operacionit, i cili është mbështetur edhe nga njësi të tjera relevante të Policisë së Kosovës, janë shoqëruar në Polici shtatë persona, dhe pas intervistimit janë liruar në procedurë të rregullt”, thuhet në njoftim.
Bastisje u kryen në nëntë lokacione, shtatë në Zubin Potok dhe dy në Zvecan.
Prokuroria Speciale tha se gjatë operacionit janë sekuestruardy armë, municion, veshje me përmbajtje nacionaliste, dylbi, dokumente, pajisje elektronike të ndryshme e të tjera.
Bastisjet u kryen për shkak të dyshimit për kryerjen e veprave penale: “rrezikimin e personelit të Kombeve të Bashkuara ose personelit në marrëdhënie me to, vrasje e rëndë dhe sulm ndaj personit zyrtar gjatë kryerjes së detyrës zyrtare”, thuhet në njoftim.
“Prokuroria Speciale dhe Policia e Kosovës, ritheksojnë përkushtimin në luftën kundër krimit të organizuar dhe sjelljen para drejtësisë të atyre që cenojnë sigurinë, ligjin dhe rendin në Republikën e Kosovës”.
Ndërkaq Serbia me narrativat e saj e konsideroi aksionin e së dielës si “vazhdimësi të shtypjes brutale fizike dhe ligjore ndaj popullit serb”.
“Operacioni policor, synoi frikësimin dhe krijimin e trazirave në mesin e familjeve serbe që kanë jetuar në këto zona për dekada të tëra”, pretendoi Zyra për Kosovën në Qeverinë e Serbisë.
E heshtur nuk qëndroi as Lista Serbe. Shoqërimin e shtatë personave në Polici, e paraqiti si “arrestim brutal të serbëve” në Zubin Potok dhe Zveçan, dhe pretendoi se aksioni ishte “pjesë e një fushate të terrorit të organizuar nga Qeveria e udhëhequr nga Albin Kurti kundër serbëve”.
Ndryshe, Audrius Senavicius, nga Lituania, ishte pjesëtari i parë i Misionit për Sundim të Ligjit i Bashkimit Evropian në Kosovë (EULEX), i cili ishte vrarë në krye të detyrës prej se ky mision është instaluar në Kosovë.
Vrasja e tij ndodhi më 19 shtator të vitit 2013, kur në rajonin e komunës së Zvecanit u sulmuan dy vetura të EULEX-it. Ato ishin duke u kthyer nga pika kufitare me Serbinë./The Geopost/
Pas spastrimit rekord, Xi promovon lojalistin si gjeneralin numër 2 të Kinës 
Dy avionë ushtarakë rusë hynë për pak kohë në hapësirën ajrore të Lituanisë, reagon NATO 
Cila është rëndësia e sanksioneve të SHBA-së ndaj naftës ruse? 
India dhe SHBA-të janë pranë një marrëveshjeje të madhe tregtare që do të ulte tarifat në 15-16% nëse Nju Delhi kufizon importet e naftës bruto ruse 
Kompanitë shtetërore të naftës në Kinë pezullojnë blerjet e naftës ruse për shkak të sanksioneve, thonë burimet 
“Kur Radoiçiq vinte me njerëz të armatosur, askund s’ishin”: Qytetarët e Kosjeriqit shprehën pakënaqësi për veprimet e policisë ndaj studentëve