Presidenti ukrainas Volodymyr Zelensky ka deklaruar se temat kryesore të takimit të tij me Presidentin e SHBA-së Donald Trump në Shtëpinë e Bardhë do të jenë arritja e një armëpushimi dhe sigurimi i garancive të besueshme të sigurisë.
Zelensky e bëri deklaratën gjatë një fjalimi të shkurtër për shtypin para bisedimeve, sipas një korrespondenti të Ukrinform.
“Na duhet një armëpushim. Edhe tani, nëse shikoni Lindjen e Mesme, është shumë e vështirë të ruhet një armëpushim kudo, në çdo luftë. Është shumë e vështirë. Ne duam paqe, Putini nuk do. Prandaj na duhet presion ndaj tij. Sot do të flasim me presidentin për atë që na nevojitet. E dimë saktësisht çfarë kërkohet për ta detyruar Putinin të ulet në tryezën e negociatave,” tha Zelensky.
Ai theksoi se Ukrainës i duhen garanci sigurie për të mbrojtur vendin nga agresioni i përsëritur.
“Ne nuk po flasim për NATO-n tani, edhe pse NATO është shumë e rëndësishme për ukrainasit. […] Gjëja më e rëndësishme për njerëzit në Ukrainë, [të cilët] janë nën sulme çdo ditë, [është] të kenë garanci sigurie vërtet të forta,” tha Zelensky.
Në të njëjtën kohë, ai konfirmoi se është i gatshëm për çdo format negociatash me liderin rus.
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999