Vuçiq dhe Fico do të shkojnë në Moskë për një ngjarje ku Kremlini synon të rrisë mbështetje në luftën në Ukrainë

Presidenti serb Aleksandar Vuçiq bashkë me kryeministrin e Sllovakisë Robert Fico kanë konfirmuar në një konferencë të përbashkët se do të vizitojnë Moskën në maj për një ngjarje përkujtimore të Luftës së Dytë Botërore. Kjo vizitë e Vuçiqit shënon udhëtimin e tij të parë në Rusi që nga pushtimi i saj në Ukrainë.

Vuçiq e bëri njoftimin në një fjalim publik pas një ftese nga presidenti rus Vladimir Putin për këtë ngjarje.

“Nëse fundi i botës nuk ndodh – edhe pse nuk jam më aq i sigurt, por shpresoj se nuk do të ndodhë – do të ishte një nder i madh për mua të jem në Sheshin e Kuq për 80 vjetorin e çlirimit nga fashizmi ”, tha Vuçiq.

Presidenti serb në këtë konferncë tha se ai gjithashtu diskutoi ngjarjen me kryeministrin sllovak Robert Fico, i cili “do të marrë pjesë gjithashtu”.

Kremlini ka thënë se dëshironte ta bënte 9 majin “festimin më të madh në historinë e tij”, mes një shtytjeje të “vlerave patriotike dhe ushtarake për të nxitur mbështetjen për konfliktin në Ukrainë.

Serbia është një vend kandidat për në BE që nga viti 2012, me zyrtarët e saj që theksojnë se rruga evropiane është prioriteti strategjik i vendit.

Por Serbia mban lidhje të forta me Rusinë, si politikisht ashtu edhe ekonomikisht, duke u mbështetur pothuajse tërësisht në gazin rus.

Brukseli ka shprehur shpesh shqetësim për lidhjet e Beogradit me Moskën dhe i bëri thirrje Serbisë që të harmonizojë politikën e saj të jashtme dhe të sigurisë me Evropën.

Gjatë një vizite në Beograd në fund të tetorit, presidentja e Komisionit të BE-së Ursula von der Leyen anuloi bisedimet me kryeministrin e Serbisë Milos Vucevic për shkak të takimit të tij të mëparshëm me një ministër rus.

Në anën tjetër, Fico edhe pse është kryeministër i një shteti anëtar të BE-së ai ndjek një kurs të ngjashëm si të liderit autokrat të Hungarisë, Viktor Orban.

Fico e admiron si Vladimir Putinin, duke thënë se ai nuk do të lejonte arrestimin e presidentit rus sipas një urdhër-arresti ndërkombëtar nëse ai do të vinte në Sllovaki, dhe liderin joliberal të Hungarisë, Viktor Orbán, “i cili mbron interesat e vendit të tij dhe popullit të tij”.

Fico përpara se të merrte detyrën, ai shfrytëzoi nivele të larta të ndjenjave pro-ruse në Sllovaki për të minuar kursin pro-perëndimor të qeverisë.

/TheGeopost/