Steinhauer: Miliona video që avancojnë agjendat politike qarkullojnë në rrjete sociale

Miliona video që avancojnë agjendat politike qarkullojnë në rrjete sociale, tha sot (e enjte) Jason Steinhauer, anëtar global në Qendrën Wilson në SHBA, derisa foli në “Samitin ballkanik për dezinformimin” të organizuar nga The Geopost për dezinformimin në mediat sociale.

Ai ka treguar milionat e shikimeve që marrin videot në rrjete sociale që tregojnë për historinë dhe të kaluarën që ndikojnë më pas në krijimin e opinionit publik, shkruan The Geopost.

“Sot ka miliona video të historisë elektronike, blogje, memes, podkaste, llogari të mediave sociale dhe artikuj lajmesh të informuara historikisht në ueb që konkurrojnë për marrjen e vëmendjes sonë, duke avancuar agjendat politike dhe tregtare dhe duke riformësuar në mënyrë aktive atë që dimë për të kaluarën”, tha ai.

Ai tha se e kaluara ka rëndësi për të tashmen, prandaj siç tha ai, vjen në shprehje ruajtja nga dezinformimi. “E formësojnë se si njerëzit e kuptojnë të kaluarën dhe sigurisht të gjithë ne në këtë dhomë e dimë sa ka rëndësi kjo. Idetë e të së kaluarës e formësojnë të tashmen dhe të ardhmen. Çfarë mendojmë për të kaluarën ka rëndësi”./The Geopost/