“Serbët dhe rusët janë vëllëzër përgjithmonë”, një billbord gjigant shfaqet në mes Moskës, pranë medias shtetërore

Një billbord i gjerë është shfaqur në Moskë, i cili flet për vëllazërine ruso-serbe. Gazetarja Ivana Stradner ka postuar foton duke shkruar se tabela gjigante është vendosur përballë Rossiya Segodnya, konglomeratit shtetëror të medias.

“Serbët dhe rusët janë vëllezër përgjithmonë”. Kjo është shkruar në Moskë- përballë Rossiya Segodnya, konglomerat mediatik shtetëror i Rusisë. Marrëdhëniet janë të gjalla dhe të mira”, ka shkruar ajo në Tëitter.

“Serbs and Russians are Brothers Forever”

This is written in Moscow- in front of Rossiya Segodnya, 🇷🇺 state-owned media conglomerate.

🇷🇺- 🇷🇸 relations are alive and well. pic.twitter.com/ezxri0fzFv

— Ivana Stradner (@ivanastradner) August 19, 2023

Raportohet se një numër i madh vullnetarësh serbë po luftojnë përkrah forcave ruse në Ukrainë.
Sjellja e presidentit serb Aleksandar Vuçiç, i cili nuk ngurron të kërcënojë me luftë sa herë që ka mundësi, ka qenë në qendër të vëmendjes së ekspertëve gjeopolitikë gjatë ditëve të fundit, të cilët kanë kritikuar Perëndimin se po e “përkëdhel” atë.

Serbia ka refuzuar që të vendosë sanksione ndaj Rusisë për agresionin e saj ndaj Ukrainës, duke çuar në dënim nga shumë politikanë perëndimorë për politikën që po luan Vuçiç duke qenë kandidat për Bashkimin Evropian.
Përveç kësaj, është raportuar shumë herë që Serbia po i ndihmon Rusisë edhe me pajisje luftarake për të ruajtur këto lidhje vëllazërore të cilat u shfaqën në billbord.

Lidhja mes Rusisë dhe Serbisë buron edhe për shkak të lidhjes që nxit Kisha Ortodokse.
Kisha luan një rol të rëndësishëm në idetë e regjimit të Vuçiqit. Në maj, në kulmin e protestave masive, patriarku u bashkua me presidentin për drekë përpara se të këndonte lavdërimet e tij. Ata që, si Vuçiq, “bëjnë gjithçka për të mirën e Serbisë” kanë mbështetjen e tij të plotë, tha Porfirije. Ishte një bekim nga lart për një udhëheqës që kishte hasur në disa erëra të forta për shkak të vrasjeve masive që ndodhën në Serbi.

Aktualisht një sërë shkrimesh nga mediat prestigjioze perëndimore kanë paraqitur lidhjen mes dy udhëheqësve Putin-Vuçiç. Presidentit të Serbisë ia shfaqën ambiciet për destabilizim te rajonit. Këtë e dëshmoi me dërgimin e trupave në kufi me Kosovën pasi nxiti tensione në veri te saj./The Geopost/