Më 3 qershor, Kremlini njoftoi se gazetarët nga “vendet armiqësore” nuk do të lejohen të marrin pjesë në Forumin Ekonomik Ndërkombëtar të Shën Petersburgut.
Forumi i Shën Petersburgut mbahet që nga viti 1997 dhe konsiderohet nga shumë zyrtarë si përgjigja e Rusisë ndaj Forumit Ekonomik Botëror në Davos.
Gazetarëve perëndimorë deri më tani nuk u është mohuar një akses i tillë në forum, raporton Reuters.
“Këtë herë është vendosur me të vërtetë që ne nuk do të akreditojmë shtëpi nga vendet armiqësore,” tha zëdhënësi i Kremlinit Dmitry Peskov për TASS.
“Shtetet armike” është përkufizimi që Moska përdor për të përshkruar ato që ka sanksionuar për luftën në Ukrainë.
Organizatorët e Forumit i thanë Reuters të premten se ata kishin hequr akreditimin e gazetarëve pasi morën një konfirmim të mëparshëm të akreditimit të enjten.
Reuters ka kërkuar një sqarim me shkrim, por ende nuk ka marrë një të tillë.
Kur Rusia po lulëzonte në vitet 2000, investitorët e mëdhenj perëndimorë dhe bankierë investimesh u dyndën në forum, raportoi Reuters, duke shtuar se vitet e fundit perëndimorët janë zëvendësuar nga investitorë kinezë dhe arabë.
Putin tha më herët se Rusia po i drejtohej Kinës dhe fuqive aziatike sepse Perëndimi kishte nisur atë që ai e quajti një luftë ekonomike dhe hibride kundër Rusisë që synon të copëtojë vendin./RSE/
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999