Telekom Srbija transmeton propagandë ruse dhe vlerëson bashkëpunimin me BE-në

Deputetët e Parlamentit Evropian në amendamentet e raportit për Serbinë, theksojnë se Telekom Serbia tallet me sanksionet evropiane duke transmetuar propagandën e Putinit. Në të njëjtën kohë, kryeshefi ekzekutiv i Telekomit mburret me bashkëpunimin e tij me institucionet financiare evropiane. Në pamje të parë, bashkëbiseduesit e N1 e interpretojnë këtë qëndrim kontradiktor të Bashkimit Evropian si “të mbylljes së syve”, pasi BE-ja tani ka prioritete të tjera në Serbi.

Një operator evropian që vepron në përputhje me të gjitha normat dhe vlerat evropiane?

“Nuk mund të themi se nuk i promovojmë në asnjë mënyrë këto vlera të vërteta evropiane”, tha kryeshefi ekzekutiv i Telekomit, Vladimir Luçiq.

Apo një operator që tallet me politikën evropiane të sanksioneve kundër Rusisë?

Kështu e interpretojnë edhe disa eurodeputetë faktin që Telekom Srbija transmeton në Bashkimin Evropian kanalet ruse të ndaluara. Por ajo që shqetëson eurodeputetët nuk shqetëson institucionet financiare evropiane.

“Ne jemi de facto partnerë me Bankën Evropiane të Investimeve”, shton Luçiq.

Në të njëjtën kohë, transmetimi i kanaleve ruse dhe partneriteti me institucionet evropiane është i mundur, pasi Bashkimi Evropian po “bën sytë qorr” ndaj Telekomit dhe Serbisë, sipas bashkëbiseduesve të N1.

“Mendoj se përderisa Bashkimi Evropian toleron gjithçka tjetër që po bën Serbia që nuk është në përputhje me politikën evropiane ndaj luftës në Ukrainë dhe Rusi, deri atëherë do të tolerojë sjelljen e Telekomit. Kështu që mendoj se ky është vetëm një detaj tjetër në një qëndrim shumë më të gjerë të Bashkimit Evropian ndaj Serbisë, e cila qartësisht ka prioritete të tjera këtu dhe nuk është aq e fokusuar në marrëdhëniet tona me Rusinë”, thotë profesoresha e Fakultetit të Arteve Dramatike, Ana Martinioli.

“E vetmja arsye pse Evropa nuk po reagon më fort është sepse për momentin pret që përfundimisht të zgjidhen disa probleme të mëdha politike, veçanërisht në marrëdhëniet ndërmjet Serbisë dhe Kosovës dhe që plani franko-gjerman, pra evropian, të zbatohet”, tha Rade Veljanovski, profesor i pensionuar i Fakultetit të Shkencave Politike.

Deri atëherë mediat janë në plan të dytë. Ata që merren me media nuk pajtohen nëse Telekom duhet të ndëshkohet për praktikën e transmetimit të kanaleve ruse të ndaluara në Evropë.

“Ne nuk kemi miratuar asnjë paketë sanksionesh, kështu që kjo dispozitë ndoshta nuk mund të shihet si diçka që na detyron në këtë kuptim. Dhe nga ana tjetër, ajo ndoshta mendon për atë që audienca dëshiron, pëlqen. Ndoshta arrin një avantazh në tregt duke ofruar kanale ruse për audiencën. Mund të diskutojmë nëse na pëlqen apo jo, nëse është etike apo joetike, profesionale, joprofesionale. Personalisht, mendoj se censura si një lloj mekanizmi nuk është një praktikë e mirë”, shtoi Martinioli.

“Nëse e kërcënoni dikë me një lloj veprimi dhe i vendosni një masë, deri në anulimin e mundësisë së transmetimit të një programi, kjo nuk është censurë, është një mundësi realiste e veprimit rregullator, që është krejtësisht legjitime. Kur bëhet fjalë për propagandë të një politike luftarake agresive, atëherë duhet të ndërhyhet, pavarësisht se çfarë media është ajo, qoftë media jonë, media ruse apo media e palës së tretë”, tha Veljanovski.

Për momentin, mediat ruse të pasanksionuara janë në dispozicion të përdoruesve të Telekom. Mediat serbe janë gjithashtu të pasanksionuara dhe, sipas një vlerësimi të fundit të shërbimit publik gjerman, ato shkojnë edhe më larg se mediat ruse në propagandën e tyre ruse./N1/